Доғалар һәм намаҙ

Сәфәр әл-хәйер доғаһы

0

                                                        Сәфәр әл-хәйер доғаһы
     Сәфәргә (юлға, билдәһеҙ ваҡытҡа ҡайҙалыр киткәндә, мәҫәлән: яуға) сыҡҡанда махсус уҡыла торған доға. Был алдаҡ, ялған менән тулы тормошта, йәмғиәтебеҙҙә иртәгә ни булырын, ниндәй бәлә-ҡаза килерен белмәгән, билдәһеҙ заманға аяҡ баҫтыҡ. Был ваҡиғалар Аллаһ Тәғәләнең беҙгә Уны танымай инанмаған өсөн, тәүбәгә килеп, Уға шөкөр итмәгәнгә киләсәк ауыр һынауҙар булыр. Был Ахырзаманда күрәсәк көн һәм төндәребеҙ, донъяларыбыҙ ҡурҡыныс аҫтында, һимереп туйған Иблис ярандарының иртәгә беҙгә нимә әҙерләгәндәрен белмәйбеҙ. Был ҡырылыштың еле беҙҙең ғәиләләребеҙгә лә килеп етте. Шуға ир-егеттәребеҙҙе, үҙебеҙҙе Аллаһ Тәғәлә Үҙ һағына, яҡлауына алһың, иманыбыҙҙы нығытһын, иҫән-һау шунда йөрөп, тыуған төйәктәренә, йорттарына имен ҡайтһындар тип,  ошо доғаны уҡып торайыҡ. тулыһынса ошонда уҡығыҙ...

Изге айҙарҙа доғалар

0

                                                       Изге айҙарҙа доғалар
     Ислам донъяһындағы өс мөбәрәк айҙың береһе булған Рәжәб айына, иншшаАллаһ, Аллаһ насип иткәс аяҡ баҫтыҡ. Ай календаре буйынса Рәжәб – йылдың 7-се айы һәм 4 изге айҙың береһе. Рәжәб һүҙе «тәржиб» һүҙенән алынған. Тәржемәһе «хөрмәтләү», «табыныу» тигәнде аңлата. Аллаһы Тәғәлә был айҙы хөрмәтләп ураҙа тотоусының һәм үҙенә доға ҡылыусының гонаһтарын кисерә, уны юғары дәрәжәләргә ирештерә. Мөхәммәд пәйғәмбәрҙең, ﷺ бер хәҙисендә әйтелгән: “Йәнәттә һөттән аҡ, балдан татлы Рәжәб тигән бер йылға бар. Рәжәб айында бер генә көн булһа ла ураҙа тотҡан кеше шул йылғанан шифалы шәрбәт эскән кеүек булыр".
     Рәжәб һәм Шәғбән – изге Рамаҙан айы тураһында алдан хәбәр биреүсе айҙар булып торалар. Пәйғәмбәребеҙ Мөхәммәд, ﷺ йәнә бер хәҙисендә былай тип әйткән: «Рәжәб – Аллаһтың айы, Шәғбән – минең айым, ә Рамаҙан – өммәтемдең айы». Кемдер берәү Пәйғәмбәребеҙ, ﷺ: "Йә Рәсүлаллаһ, ни өсөн Рәжәб – Аллаһ айы һуң ул? – тип һораған. Пәйғәмбәребеҙ ﷺ: «Был айҙа ихлас күңелдән тәүбә итеүселәргә Аллаһы Тәғәләнең шәфәғәте инә, был айҙа ҡан ҡойоу, һуғыштар тыйылған, был айҙа Аллаһы Тәғәлә бөтөн пәйғәмбәрҙәрҙең доғаларын ҡабул ҡылған һәм күп кенә әүлиәләрҙе (изгеләрҙе) дошмандары ҡулынан ҡотҡарған». Беҙҙә көндәрен дә, төндәрендә салауат-шөкөрҙәрҙә булайыҡ. тулыһынса ошонда уҡығыҙ...

Еңеләйтелгән намаҙ

0

                                                 Еңеләйтелгән намаҙ

     Сәфәрҙә, юлда, ҡырҙа, вахтала, эштә йөрөгән кешеләргә намаҙҙы нисек уҡырға һуң? Намаҙҙарҙы берләштерергә буламы? Миҫалға: ҡайһы бер кешеләр Сибайҙан, Баймаҡтан Магнитогорск ҡалаһына йөрөп эшләйҙәр. Сибай менән Магнитогорск ҡалалары араһы 97 км тирәһе. Ислам динебеҙ буйынса мосолман кешеһе үҙ йәшәгән урынынан 90 км тирәһе ары китһә, уға намаҙҙы ҡыҫҡартып уҡырға рөхсәт ителә. Әйтәйек өйлә (төшкө) намаҙҙың фарызы дүрт рәҡәғәт, ул шуларҙың тәүге ике рәҡәғәтен генә уҡый. Сөннәт һәм нәфел намаҙҙарын уҡымаһаңда була, әгәр уҡырға теләк бар икән, ул ваҡытта уларҙың күп рәҡәғәтлеһе ҡыҫҡартылмай тулыһынса уҡыла. Ә иртәнге намаҙҙың сөннәте уның фарызы менән бергә мотлаҡ уҡыла. Шулай уҡ ахшам менән витр намаҙҙары тулыһынса уҡыла
     Юлда саҡта бәндә тота башлаған ураҙаһын тотмаһа ла була, мәжбүри булған Рамаҙан ураҙаһын өҙә ала. Тик һуңынан был ураҙаны ҡаза ҡылып тултырып ҡуя. тулыһынса ошонда уҡығыҙ...

Үҙеңде, балаларыңды, ғәиләңде өшкөрөү доғаһы

0

                           Үҙеңде, балаларыңды, ғәиләңде өшкөрөү доғаһы
     Көнкүреш тормошта үҙ-үҙеңде, балаларыңды, ҡатыныңды, яҡындарыңды тиҙ генә өшкөрөп алырға кәрәк булған саҡтар була. Әле күҙ тейгән, әле күңелгә үәсүәсә төшкән, әле ауырыу ҡағылған, әле тегеһе, әле быныһы. Ошо мәлдәрҙә өшкөрөүсе кеше лә табып та булмай. Шуға күрә ябай ғына булһа ла өшкөрөү ысулдарын өйрәнергә кәрәк. Иғтибарығыҙға бер доға тәҡдим итергә булдыҡ.
     Үҙенә йәки балаларыңа, мәҫәлән, күҙ тейгән тип шикләндең икән был доғаны өсәр мәртәбә Аятел-Көрси, әл-Кәфирун, әл-Ихлас, әл-Фәләк, ән-Нәс сүрәләре менән бергә уҡып өшкөрөргә кәрәк. Иң яҡшыһы, күҙ тейеүҙән алдан һаҡланып, күҙһенгән кеше был сараны ҡулланһын. Үҙ-үҙенә уҡып өшкөрһен тимәксебеҙ. Әгәр бала йәки балалар, айырым әйткәндә йәш балалар, күҙһенә торған булһалар, ата кеше йәки олатай булһа ла уҡып өшкөрә алған ир кеше, ул да булмаһа, әсәй, өләсәһе балаларҙы даими хәлдә уҡып өшкөрһөндәр. Был доғаны Аятел-Көрси, әл-Кәфирун, әл-Ихлас, әл-Фәләк, ән-Нәс сүрәләре менән берләштереп көн һайын, йәки өс көн һайын, йә аҙна һайын уҡып өшкөреү файҙалы булыр. Өшкөрөп бөтөргәс әсә телендә Аллаһы Тәғәләгә белгәнең менән доға ҡылып теләгәнеңде һорарға кәрәк. Ҡайһы бер ваҡыт уҡыусыларыбыҙ “ни өсөн теге йәки был доғаның мәғәнәһен ҡуйманығыҙ?" тип һорайҙар. Һәр доғаның мәғәнәһен асыҡлап ҡуйыуҙан файҙа юҡ. Аллаһы Тәғәләгә ялбарғанда бер аҙ үҙегеҙ уйлап, ихлас күңел менән үтенеп һорап ялбарырға өйрәнегеҙ. Шулай эшләһәгеҙ яуабы ла тиҙерәк булыр, ҡуйған маҡсатҡа ирешеүҙә еңел булыр, иншәллаһ.

тулыһынса ошонда уҡығыҙ...

Рәғәиб кисәһе намаҙы хаҡында

0

                                          Рәғәиб кисәһе намаҙы хаҡында
     Рәғәиб кисәһе намаҙы бармы йәки ул кисәлә намаҙ уҡыу дөрөҫмө, нисек уҡыла тигәнгә Татарстандың мөфтийе Камил хәҙрәт Сәмиғуллиндың интернеттә сыҡҡан яуабын ҡарайыҡ.
     Рәғәиб кисе – йыл һайын Рәжәп айының беренсе йома кисенә тура килә торған бик бәрәкәтле изге кисә. Йәғни, кесе йома көндө ҡояш байығас, йома кисе инә. (Ғөмүмән алғанда, һәр бер йома кисе бәрәкәтле, яҡшы кистәрҙән булып һанала.)

                                          Рәғәиб кисәһе ниндәй кисә?
     Был – Пәйғәмбәребеҙҙең атаһы Ғабдуллаһ менән әсәһе Ваһаб ҡыҙы Әминәнең никахлашҡан көндәре. Быйыл 2022 йылда был кисә 3 февраль кисенә тура килә. тулыһынса ошонда уҡығыҙ...

Пәйғәмбәрҙе ﷺ төштә күрер өсөн салауаттар

0

                                         Пәйғәмбәрҙе ﷺ төштә күрер өсөн салауаттар
     Мөхәммәд пәйғәмбәрҙе ﷺ йоҡлағанда төштә күрер өсөн аҫта салауаттар килтерелә. Һәр иманлы мосолмандың изге Пәйғәмбәребеҙҙе ﷺ төшөндә күрергә теләге барҙыр. Ләкин уны ﷺ төштә күреү һәләте үҙебеҙҙә уға ﷺ ҡарата булған мөхәббәттең һәм тоғролоҡтың кимәленә бәйле. Аҡһаҡалдар һәм ғалим кешеләр үҙ тәжрибәләре нигеҙендә, ғәмәлдәре һәм игелектәре ярҙамында пәйғәмбәребеҙҙе ﷺ төштәрендә күреү бәхете тураһында яҙып ҡалдырғандар. Әлбиттә Мөхәммәд пәйғәмбәр ﷺ төшөбөҙгә инһен тиһәк, тәһәрәтләнеп ике рәҡәғәт намаҙ уҡып, тәүбә итеп, Аллаһҡа һәм Пәйғәмбәребеҙгә ﷺ салауаттар һәм сәләмдәр әйтеп, Рәсүлүллаһыны ﷺ төштә күрергә ниәтләнеп йоҡларға ятыр кәрәк.
     Пәйғәмбәребеҙҙең ﷺ бер хәҙисендә әйтелә:
                                           مَنْ رَآنِي فِي الْمَنَامِ فَسَيَرَانِي فِي الْيَقَظَةِ, وَلَا يَتَمَثَّلُ الشَّيْطَانُ بِي
     «Мән раани фиил мәнәәми фәсәйәрәнии фиил йаҡаҙа үә ләә йәтәмәҫәлү шайтаанү биһи». тулыһынса ошонда уҡығыҙ...

Йоғошло сирҙәрҙән (коронавирустан) доға

0

                                     Йоғошло сирҙәрҙән (коронавирустан) доға

     Йоғошло сирҙәрҙән (коронавирустан) ҡотолоу  өсөн Аллаһының ун исемле доғаһы. Джаушан Кәбир доғалығынан Аллаһ Тәғәленең ун күркәм исемдәре. Аҫтағы доғаларҙы ла шуның өсөн файҙаланырға була. Аллаһ Тәғәлә һынау өсөн ебәргән йоғошло сирҙән – коронавирустан беҙ Аллаһыға инанмайынса, ҡотола алмайбыҙ. Ул йоғошло грипп һымаҡ ауырыуҙарҙың бер төрө, үлемгә алып барған осраҡтары ябай грипп менән сағыштырғанда аҙ. Тик беҙҙе көнө-төнө алдаған йүнһеҙ матбуғат саралары арҡаһында ғына ул ҡиәмәт итеп күрһәтелә. Әле бына уның яңы төрҙәре сыға башланы. Маска (битлек) кейеп йөрөү һеҙҙе, әгәр Аллаһ теләһә ҡотҡармай. Маска кейеп йөрөү арҡаһында кешенең иммуните́ты юғала, уға кислород етешмәй, шул арҡала ла үлемдәр осрағы теркәлә башланы. тулыһынса ошонда уҡығыҙ...

Баш ауырыуынан. Джаушан Кәбир доғалығынан

0

                                                   Баш ауырыуынан. Джаушан Кәбир доғалығынан.
     Баш ауырыуынан ҡотолоу өсөн Джаушан Кәбир доғаһынан Аллаһының ун исеме. Джаушан Кәбир доғаһы йөҙ бүлектән тора. Ошо доғалыҡтан баш ауыртыуынан ҡотолоу өсөн Аллаһ Тәғәләнең ун исеме яҙылған ике бүлекте тәҡдим итәм. Ҡөръән Кәримдә: «Иң, гүзәл исемдәр Аллаһыныҡылыр, Уға хастыр. Аллаһыға был исемдәр менән доға ҡылығыҙ», — тип бойоролған. (Әғраф (Кәртәләр) сүрәһе, 180 аят). тулыһынса ошонда уҡығыҙ...

Баш ауырыуынан доғалар

0

                                             Баш ауырыуынан доғалар
     Баш ауыртыуына һәр кем тейерлек зарланып ала. Баш ауыртыуына төрлө сәбәптәр: муйын остеохондрозы, елкә менән бәйле башҡа ауырыуҙар, юғары ҡан баҫымы, нерв күҙәнәктәренең ҡыҫылыуы, гипертония, төрлө ялҡынһыныуҙар, глаукома – һәм организмдағы башҡа сәбәптәр баш ауыртыуына килтереүе мөмкин. Баш ауыртыуын нисек дауаларға һуң?
     Дауалауҙың ысулдары төрлө. Ул һәр пациенттың хәленә, диагнозына ярашлы рәүештә билдәләнә. Ғөмүмән, дауалау ысулдарын бер нисә төркөмгә бүлергә мөмкин. Беренсеһе – медикаменттар менән дауаланыу. Икенсе ысул – массаж, физиотерапия һәм башҡа саралар ярҙамында дауалайҙар. Дөрөҫ һайланған дауалау күнегеүҙәре, етерлек күләмдә физик эш тә баш ауыртыуын баҫырға мөмкин. Шулай уҡ халыҡ медицинаһы ысулдары ла етерлек. Баш ауыртҡанда үләндәр, тамырҙыр, емештәр һәм башҡа нәмәләр файҙалана. тулыһынса ошонда уҡығыҙ...

Балаға уҙыр өсөн доғалар

0

                                         Балаға уҙыр өсөн доғалар
     Ҡайһы бер ҡатын-ҡыҙҙар балаға уҙа алмай, йә иһә балаға уҙа, ләкин уны аҙағына ҡәҙәр йөрөтөп бөтөрә алмай, яралғы төшә. Ислам динендә был нисек аңлатыла? Ислам дине кешеләргә йәшәргә ярҙам итә һәм тормоштарын еңеләйтә. Быны аңларға һәм ҡабул итергә кәрәк. Әлбиттә, балаға уҙа алмау проблемаһының сиселешен Аллаһы Тәғәләгә тапшырыу, хәйерлеһен һорап доға уҡыу, тәүбәгә килеү, хәйер-саҙаҡа биреүҙең мөһимлеген белгәндә мөғжизәләр булыуы мөмкин. Ҡәҙимге дауаланыу ысулдарынан башҡа Ислам медицинаһы менән дә ҡыҙыҡһыныр кәрәк. Пәйғәмбәребеҙ Мөхәммәд ғәләйһиссәләмдең сөннәт ғәмәлдәренән һаналған дауаланыу сараларының да һөҙөмтәһе ыңғай була. Шулай уҡ Ҡөръән сүрәләре менән өшкөрөлгән тмин майын ҡулланыу, зәм-зәм һыуын эсеү һәм башҡа саралар, шулай уҡ хиджама ҡулланыу балаға уҙыуға стимул бирә.
     Аллаһы Тәғәләнең тәҡдире менән кемгәлер ир, кемгәлер ҡыҙ бала бүләк була, кемгәлер бөтөнләй булмай. Сабыйҙың был донъяға тыуып, ауаз һалыуы фәҡәт Аллаһы Тәғәләнең ҡөҙрәтенән генә тора. Әлбиттә, йөклө ҡатын-ҡыҙ һаҡланырға, табип кәңәштәренә ҡолаҡ һалырға бурыслы. Ә инде бөтә ҡағиҙәләрҙе үтәгәндән һуң, бала төшә икән, был Аллаһы Тәғәләнең ғазабы йәки рәхмәте. Барыһы ла Раббыбыҙ ҡулында. «Ни өсөн Аллаһ Тәғәлә миңә бала бирмәй икән?»– тип уфтанырға ла кәрәкмәй. Сөнки сабыйҙың кем булып тыуасағын белмәйбеҙ, ата-әсәһен йәберләүсе, рәнйетеүсе лә булыуы мөмкин. тулыһынса ошонда уҡығыҙ...

Вверх
.