Йома мөнәжәте

2017-01-24_18-42-14

                        Йома мөнәжәте
             Эй, шәкертләр, уҡыйыҡ беҙләр,
             Тик ятыуҙа ни файҙа бар?
             Киң донъялар булмаһын тар,
             Ял итергә йома көн бар.
                      Ултырмайыҡ көнө буйлап,
                      Уҡыйыҡ киләсәкте уйлап.
                      Китмәйек зиһанат буйлап,
                      Ял итергә йома көн бар.
             Наҙан ҡалһаҡ — хур булырбыҙ,
             Ғилем алһаҡ — ҙур булырбыҙ,
             Зиһанаттан ҡотолорбоҙ,
             Ял итергә йома көн бар.
                                                                           

                                                                           Наҙан хәле бигерәк яман,
                                                                           Көн күрә алмай үҙе һаман.
                                                                           Өмөт иткәстин аллаҙин,
                                                                           Ял итергә йома көн бар
                                               

                                                                       Зиһанат — бында: наҙанлыҡ, ҡараңғылыҡ мәғәнәһендә

 

                                             Ураҙа мөнәжәте

                                          Алланың әмере ҡылды,
                                          Рамазан айы килде,
                                          Ҡаршылай аны бәндәләр,
                                          Һеҙләргә сәләм бирҙе.
                                                     Мөәзиндәр шатландылар,
                                                     Ололап ҡаршы алдылар.
                                                     Тәрәүих намаҙы тип,
                                                     Мәсеттәргә барҙылар.
                                         Тәрәүихҡа барҙылар,
                                         Кәндилгә ут алдылар.
                                         Зикер ит, тәсбих, хәтем илә
                                         Мәсеттәр нурландылар.
                                                    Сәхәр торҙо балалар,
                                                    Уяттылар аналар.
                                                    Күктә йондоҙ, ерҙә шәм
                                                    Нурланышып яналар.
                                         Аҡшам етте, көн батты,
                                         Тыуған ай нуры ҡалҡты.
                                         Әкбәр итеп балалар,
                                         Ер, кук нур илә яҡты.
                                                    Был көн айҙың нисәһе?
                                                    Етте ҡәҙер кисәһе.
                                                    Был көн тәғәт ҡылғандар
                                                    Кәүсәр һыуын әсәһе.

                              1 Тәрәүих намаҙы — ураҙала кис уҡыла торған намаҙ.
                              2 Ҡәндил — лампа, шәм.
                              3 Зикер ит — бер үк доғаны күп мәртәбә ҡабатлау, булһа кәрәк.
                              4 Тәсбих — “Сөбханалла, сөбханалла” тип, тиҫбе тартыу.
                              5 Хәтем — тамамлау, “Ҡөрьән”де уҡып сығыу.
                              6 Илә — менән.

 

                  Мәүлит байрамы

                                        Хоҙаның дуҫты бәйғәмбәр
                                        Тыуған көн был, мосолмандар.
                                        Был көн байрам, был көн шатлыҡ,
                                        Мөҡәддәс тә шәриф көндәр.
                                                    Тыуҙы Мәккә шәһәрендә,
                                                    Рәбиғел әүүәл айында.
                                                    Дүшәмбе көн ун икенсе,
                                                    Сәхәр ваҡыты таң алдында.
                                         Салауат булһын Рәсүлулла,
                                         Фиҙа булһын хаҡ юлына.
                                         Бер йән түгел, мең йәненә                                                                                                                              Фиҙа булһын хаҡ юлына.
                                                    Байрам, байрам, байрам көн был,
                                                    Эй, ҡәрендәштәр, шатлыҡ көн был.
                                                    Батиллыҡтар бөткән көн был,
                                                    Ҡараңғылыҡ бөткән көн был.
                           

       1 Мөҡәддәс тә шәриф көндәр — изге көндәр.
       2 Рәбиғел әүүәл — ай календарының 8-се айы
       3 Салауат булһын — доғалы, хәйерле булһын.
       4 Батил — ялған.

Ошо биттәрҙә мөнәжәттәр уҡығыҙ:

https://nazir1965.com/category/m%D3%A9n%D3%99zh%D3%99tt%D3%99r