Бәхет асҡысы – тәүбә ҡылыуҙа

0

                                   Бәхет асҡысы – тәүбә ҡылыуҙа
     Тәүбә ҡылыу бер ҡасан да һуң түгел. Үлем түшәгендә ятҡан кешенең йәне боғаҙына килеп еткән миҙгелдәрҙә генә тәүбә ҡабул ителмәҫ. Бәлиғлыҡ йәшенә етеп, үҙ аҡылында булған һәр кеше тәүбәгә килергә мөмкин. Улай ғына ла түгел: Аллаһы Тәғәлә бәндәһенең тәүбә ҡылыуын һәр ваҡыт көтөп ала. Рухи үҫеш, нәфесеңде тәрбиәләү юлында тәүбә ҡылыу беренсе баҫҡыс булып тора. Бөйөк Раббыбыҙ күңелегеҙгә тәүбә-истиғфар ҡылыу теләген һалған икән — был Аллаһы Тәғәләнең һеҙҙе яратыуының бер билдәһе.
     Ғәләмдәрҙең Раббыһы Ҡөръән-Кәримдә әйтә: «Хаҡтыр, Аллаһы Тәғәлә йыш тәүбә ҡылыусыларҙы һәм күңелдәрен сафландырыусыларҙы ярата». Йәғни Бөйөк Аллаһ истиғфар ҡылыусыларға, ҡылған гонаһтары өсөн үкенеүселәргә, сафланыусыларға Үҙенең хөрмәтен һәм мәрхәмәтен күрһәтә. Был аят тәфсирҙәрендә Аллаһы Тәғәләнең хата-кәмселектәре өсөн ғәфү һораусыларҙы һәм ғәфләттән арынырға тырышыусыларҙы яратыуы тураһында ла әйтелә.
Нимә һуң ул ғәфләт? Аллаһы Тәғәләнең Барлығын һәм Берлеген иҫкә төшөрмәй, онотолоп йәшәү. Ғәфләт бик күп гонаһтарға сәбәпсе булып тора. Сөнки яңылыш аҙымдарҙың күпселеге кеше үҙ-үҙен абайламаған, Аллаһы Тәғәләнең уны даими күҙәтеп торғанын иҫенән сығарған саҡта яһала. Шуға ла үрҙә күрһәтелгән аятта Раббыбыҙҙың оло гонаһтар өсөн дә, ҙур булмаған хаталары өсөн дә тәүбә ҡылыусыларҙы һәм ғәфләттән арынырға теләүселәрҙе яратыуы тураһында әйтелә. тулыһынса ошонда уҡығыҙ...

Пәйғәмбәрҙәр хаҡында

0

                                           Пәйғәмбәрҙәр хаҡында
     Пәйғәмбәрҙәрҙең иң бөйөктәре
     Пәйғәмбәрҙәрҙең иң бөйөктәре Ҡөръән Кәримдә «Үлүл — ғазм» тип аталалар. Уларҙың һаны — биштер:
     - Нух ғәләйһис-сәләм
     - Ибраһим ғәләйһис-сәләм
     - Муса ғәләйһис-сәләм
     - Ғайса ғәләйһис-сәләм
     - Мөхәммәд ғәләйһис–сәләм

     Сөннәтле булып тыуған пәйғәмбәрҙәр
     Хәҙрәти Ҡәғбә әл — Әхбәр риүәйәтенә күрә ун өс пәйғәмбәр сөннәтле булып тыуғандар.
     Һүҙ ошо пәйғәмбәрҙәр тураһында бара:
     - Әҙәм ғәләйһис-сәләм
     - Шис ғәләйһис-сәләм
     - Идрис ғәләйһис-сәләм
     - Нух ғәләйһис-сәләм
     - Сәм ғәләйһис-сәләм
     - Лут ғәләйһис-сәләм
     - Йософ ғәләйһис-сәләм
     - Муса ғәләйһис-сәләм
     - Шоғайыб ғәләйһис-сәләм
     - Сөләймән ғәләйһис-сәләм
     - Яхья ғәләйһис-сәләм
     - Ғайса ғәләйһис-сәләм
     - Мөхәммәд ғәләйһис–сәләм тулыһынса ошонда уҡығыҙ...

Нимә ул ғиддәт?

0

                                             Нимә ул ғиддәт?
     «Ҡөрьән»дә: «Талаҡ ҡылынған (ирҙән айырылған) ҡатындар өс тапҡыр күреме килеү (ваҡытын) һаҡлап, бүтән иргә сыҡмай торорға тейеш», — тиелгән.
     Ғиддәт — Аллаһ Тәғәлә билдәләгән ваҡыт. Был ваҡыт ҡатын-ҡыҙға ҡағыла. Ҡатын кеше ирҙән айырылһа, йәки ире вафат булһа, ғиддәт һаҡларға тейеш. Ана шул ғиддәте тулмаҫтан алда бүтән иргә сығырға тейеш түгел.
     Ҡатын-кыҙҙың ғиддәте, һәр ҡайһыһының шәхси хәленә ҡарап, төрлөсә була.
Түлдән ҡалмаған (бала табырға һәләтле, күреме килеп торған) ҡатын-ҡыҙ өс тапҡыр күреме килгәс кенә бүтән иргә сығырға, бүтән ир менән мөхәббәт ғәмәле үтәргә (яҡынлыҡ ҡылыу) хаҡлы. тулыһынса ошонда уҡығыҙ...

Минең гүзәл динем 2

0

                                                             Минең гүзәл динем 2

Ҡартатаһы йылмайҙы ла:
     - Ейәнсәрем! Был мәрхәмәтен Аллаһ Сүбхәнәһү үә Тәғәлә һайлау ирке биреп күрһәткән.
     Әгәр Ул беҙгә күркәм сауаплы ғәмәлдәр һәм гонаһтар ҡылғанда һайлау ирке бирмәһә, ул сатында Ожмах менән Тамуҡ булмышының мәғәнәһе лә, пәйғәмбәрҙәр (ғәләйһис-сәләм) менән илаһи Китаптарҙа мохтажлыҡ булмаҫ ине. Былар барыһы ла бер-береһе менән бәйле.
     Әгәр Аллаһ Сүбхәнәһү үә Тәғәлә бик ныҡ теләгәнебеҙҙе үтәргә мөмкинлек бирмәһә, ризаһыҙланып һөйләнер инек: «Тотҡондармы ни беҙ? Ни өсөн аяҡ-ҡулдарыбыҙ бығаулы? Ни өсөн теләгәнебеҙҙе үтәй алмайбыҙ?»- тиеп.
     Шулай, ҡәҙерлем! Аллаһ Сүбхәнәһү үә Тәғәлә беҙҙе ошолай яралтҡан һәм шулай эшләгән, барыһы ла ғәмәлдәребеҙҙән тора һәм ғәмәлдәребеҙҙең яҡшыһын да, насарын да әжерһеҙ ҡалдырмаҫҡа вәғәҙә иткән.
     Шул инде «ҡадәр», йәғни «яҙмыш». Ә хәҙер бар, уйна.
     Асия һораны:
     - Ҡартатай! Бөгөн мин һинән шул тиклем күпте белдем. Мөмкинме, йәнә бер һорау ғына бирәм?
     «Яҡшыһы ла, насары ла Аллаһ Сүбхәнәһү үә Тәғәләнән», — ти әсәйем. Дөрөҫмө?
     Улайһа, әгәр беҙҙе Аллаһ Сүбхәнәһү үә Тәғәлә алама ҡылығыбыҙ өсөн язалай икән, ғәҙеллек ҡайҙа?
     Ҡартатаһы башын сайҡаны:
     - Ейәнсәрем! Хаҡ һүҙҙәр, ләкин уны дөрөҫ аңламайҙар. Тыңла әле, кешеләр нимәлә яңлышҡанын аңлатайым. Аллаһ Сүбхәнәһү үә Тәғәлә — берҙән-бер Илаһ һәм барлыҡ ғаләмде Яралтыусы. Шулаймы?
     - Әлбиттә, ҡартатай!
     - Аллаһ Сүбхәнәһү үә Тәғәлә берҙән-бер Яралтыусы булғас, тимәк барлыҡ яҡшылыҡты һәм яманлыҡты ул ғына яралтҡан, һәм бында һин әйтә алмайһың: «Бында беҙҙең ни ғәйеп?»- тиеп, сөнки Аллаһ Сүбхәнәһү үә Тәғәлә барлыҡ яҡшылыҡ менән насарлыҡты теләктәребеҙҙән сығып яралта. Беҙ йәнә һөйләшкәнгә әйләнеп ҡайттыҡ, йәғни Аллаһ Сүбхәнәһү үә Тәғәлә аҡыл менән фекерләү биргән. Аҙаҡ ул ике юл күрһәткән: Ожмахҡа һәм Тамуҡҡа, шуның менән беҙҙе һынауға этәргән һәм бойорған:
     «Әгәр салих ғәмәл ҡылырға теләһәгеҙ, Мин быны яралттым һәм һеҙҙән риза булып ҡалдым.
     Әгәр гонаһ ҡылырға теләһәгеҙ, уны ла яралттым, сөнки Мин — берҙән-бер Яралтыусы, ләкин һеҙҙең гонаһтарығыҙ менән риза була алмайым».
     Хәҙер аңлайһыңмы, матурым, «Яҡшыһы ла, яманы ла Аллаһтан» һүҙҙәренең мәғәнәһен. Йәғни Аллаһ Сүбхәнәһү үә Тәғәлә теләктәребеҙгә, маҡсаттарыбыҙға ярашлы изгелекте лә, яуызлыҡты ла яралта. Шуға күрә ғәмәлдәребеҙ өсөн барлыҡ яуаплылыҡты беҙҙең өҫтөбөҙгә һала.

     Тулыһынса китапты аҫта уҡығыҙ:
тулыһынса ошонда уҡығыҙ...

Праздник «Маулид ан-Наби»

0

                                          Праздник «Маулид ан-Наби»                

                            Ас-саламу галайкум ва рахматуллаһи ва баракатуһ!
     Сегодня последний день священного месяца Раби-уль-Авваль. Мусульмане всего мира праздновали этот месяц в котором родился наш Пророк Мухаммад ﷺ! В России в многих местах прошли праздничные мероприятия и онлайн — «Мавлид Ан-Наби» 2020 года в честь пророка Мухаммада ﷺ.
     Шейх-уль-Ислам Талгат Сафа Таджуддин Верховный муфтий Председатель ЦДУМ России от имени Президиума ЦДУМ России и от себя лично сердечно поздравил нас с благословенным праздником «Маулид ан-Наби» — Днем рождения нашего любимого пророка — Посланника Всевышнего Аллаһа — Мухаммада, саллаллаһу галяйһи ва саллям. Также Президент Татарстана Рустам Минниханов поздравил мусульман с праздником «Мавлид ан-Наби». Глава Чеченской Республики Рамзан Кадыров поздравил мусульман с наступлением Священного месяца Рабиуль-Авваль, в котором родился пророк Мухаммад (мир ему). «Двенадцатого дня Рабиуль-Авваль по воле Всевышнего Аллаха на свет появился Пророк Мухаммад (мир ему)». И тому, кто родился в 12 числа месяца Рабиуль-Авваль в Чечне за наречение новорожденных в честь пророка Мухаммада ﷺ дадут 100 000 рублей.
     А глава республики Башкортостан Хабиров Радий и муфтий Духовное управление мусульман Башкортостана Биргалин А. не стали поздравлять своих мусульман со священным месяцем Раби-уль-Авваль и с праздником «Маулид ан-Наби». Для муфтията Башкортостана праздник «Маулид ан-Наби» — бидгат — новшество и поэтому они будут запрещать праздновать такой праздник, потому что у них религиозное образование «выше» чем у арабских шейхов-ученных. тулыһынса ошонда уҡығыҙ...

Һин әҙерме?

0

                                                     Һин әҙерме?
     Әлхәмдү лилләһи раббил ғәләмин, үәс-сәләәтү үәс-сәләәмү ғәләә рәсүлинәә Мүхәммәд үә ғәләә әәлиһи үә сәхбиһи әждмәғин. Беҙ юҡтан бар итеп был донъяға һынау өсөн ебәргән, Үҙенең икһеҙ-сикһеҙ ниғмәттәре менән ниғмәтләндергән бөйөк Раббыбыҙ Аллаһы Сүбхәнәһү үә Тәғәләгә маҡтау булһын, ошо донъя мәҙрәсәһенә бөйөк уҡытыусы булып килгән Аллаһ илселәренең һуңғыһы – пәйғәмбәребеҙ Мөхәммәдкә ﷺ салауат үә сәләмдәребеҙ ирешһен. Әссәләмү ғәләйкүм үә рахмәтүллаһи үә бәрәкәтүһ!
     Һөйөклө Пәйғәмбәребеҙ ﷺ бер хәҙис шәрифендә шулай тип бойора: «Донъяла бер сит кеше, йәки бер юлсы һымаҡ йәшә». тулыһынса ошонда уҡығыҙ...

Дуңғыҙ (сусҡа) ите — хәрәм!

0

                                      Дуңғыҙ (сусҡа) ите – хәрәм!
     Бер хәҙистә: әгәр кеше тамағына бер хәрәм ризыҡ ҡапһа, уның теләгән теләге (доғаһы) ҡырҡ көн буйына ҡабул булмаҫ тиелгән бит. Ә беҙҙең хәрәм ризыҡтарҙың берәүһе – сусҡа ите. Дуңғыҙ итенә бәйле ризыҡтар беҙҙе бөтә яҡтан уратып алған. Улай ғына түгел, үҙен мосолман тип һанаған кешеләрҙең дә сусҡа көтөүен күрәбеҙ. Башҡортостаныбыҙҙың тәбиғәтен – ер-һыуын бысратып сусҡа көтөргә ҙур-ҙур комплекстәр төҙөгәндәрендә күрәбеҙ. Шуға был мәҡәләлә йөрәкте ауырттырған, күңелде борсоған нәмә — дуңғыҙ (сусҡа) аҫрау мәсьәләһе тураһында һүҙ барыр. Аллаһ Тәғәлә хәйерле һүҙҙәр һөйләргә насип ҡылһын.
     Аллаһы Тәғәлә Ҡөръән Кәримендә «Бәҡара» сүрәһенең 173 сө аятында һәм «Мәидә» сүрәһенең 3 сө аятында беҙгә асыҡ итеп, шикләнергә һис тә урын ҡалдырмайынса, дуңғыҙҙың харам икәнлеген белдерҙе.
                                                                  إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنزِيرِ وَمَا أُهِلَّ بِهِ لِغَيْرِ اللَّهِ
     Иннәмәә хәррамә ғәләйкүмүл-мәйтәтә үәддәмә үә ләхмәл-хинзиири үә мәә үһиллә биһи лиғайри-лләәһи...
     Ул бит һеҙҙе үләкһә, ҡан, сусҡа ите, бисмиллаһыҙ һуйылған мал ите ашауҙан ғына тыйҙы. тулыһынса ошонда уҡығыҙ...

Йөклө ҡатындар өсөн доғалар

0

                                 Йөклө ҡатындар өсөн доғалар.
                                  اللَّهُمَّ اغطِنَا صِحَّةٌ وَ عَافِيةٌ وَأَولاَدًا صَالِحًا وَرِزْقًا وَاسِعَا وَدُعَاءَ مَقْبُولاً
     «Аллаһүммә әғтыйнәә сиххәтән үә ғәәфийәтән үә әүләдән салихән үә ризҡан үәсиған үә дуға-ән мәҡбүлә!»
     («Әй Аллаһ! Беҙгә һаулыҡ һәм сәләмәтлек бир. Хәйерле балалар бүләк ит, мул ризыҡ биреп, доғамды ҡабул ит!»).

     Изге бала һорап уҡыла, был доғаны бала тыуғас та, үҫә килә уҡыла:
                                         رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَ اجْعَلْنَا لِلْمُتَّقِينَ إمَامَا
     

     «Раббәнә һәб ләнәә мин әзүәджинәә үә ҙүрриййәтинәә ҡурратә әғйүниү-үәджғәлнәә лил-мүттаҡиинә имәмә.»

     («Әй, Раббыбыҙ! Беҙгә ҡатындарыбыҙҙан һәм нәҫелдәребеҙҙән күҙҙәребеҙҙең нуры, һөйөнөсө булырлыҡ яҡшы кешеләр бүләк ит һәм беҙҙе тәҡүә эйәләренә хужа ҡыл!») тулыһынса ошонда уҡығыҙ...

Коронавирус һәм Аллаһ

0

                                        Коронавирус, Аллаһ, динебеҙ
     Аллаһы Тәғәлә һәр бер мосолманға шәриғәт ҡушҡанса йәшәргә бойорҙо. Кеше Аллаһы Тәғәләнең ҡушҡандарын үтәү өсөн шәриғәт хөкөмдәрен белергә, хәләл менән харамды айыра белергә тейеш. Белмәй икән, ул уны үтәй алмай. Шуға күрә лә Исламда белем алыуға ҙур иғтибар бирелә. Ә белемһеҙ халыҡ донъянан милләте менән юғалыуға дусар.
     Сәләмәтлек — Аллаһы Тәғәләнән үҙенең ҡолона — бәндәһенә бирелгән иң ҙур ниғмәттәрҙең береһе. Беҙ йыш ҡына: «Һаулыҡ булһа, барыһы ла була», — тиебеҙ. Пәйғәмбәребеҙ Мөхәммәд ғәләйһис — сәләм дә: «Иртән һау-сәләмәт, имен һәм ризығы булған хәлдә уянған кеше бөтөн донъяға эйә», — тигән. Шуға иртән уянып аяҡҡа баҫҡаныбыҙ икән, «Әлхәмдүлиллләһ» тип әйтеп, шөкөр итәйек.
     Аллаһ Тәғәлә «Юныс» сүрәһенең 107 –нсе сүрәһендә:
وَإِن يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِن يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَن يَشَاءُ مِنْ عِبَادِهِ وَهُوَ الْغَفُورُ الرَّحِيمُ
     Үә иййәмсәскәл-лааһу бидурриң фәләә кәәшифә ләһүү илләә һүүә үә иййүридкә бихайриң фәләә рааддә лифадлиһи йүсыиибү биһи мәй йәшәә'ү мин ғибәәдиһи үә һүүәл-ғафүүрурур-рахиим. тулыһынса ошонда уҡығыҙ...

Мәүлид кисе

0

                                                  Мәүлид кисе
     Аңлашылыуынса, Мәүлид һүҙе тыуыу тигәнде аңлата. Кешелеккә хаҡ һәм пак динде, камил дин Исламды өйрәтергә ебәрелгән ахыр заман пәйғәмбәре Мөхәммәд ғәләйһис-сәләмдең тыуған көнөн мосолмандар байрам итеп үткәрә — Мәүлид байрамы ул.
     Ни өсөн Мөхәммәд ғәләйһис-сәләмде ахыр заман пәйғәмбәре тип атайбыҙ? Сөнки Мөхәммәдтән һуң заман ахыры еткәнсә һис бер пәйғәмбәр ебәрелмәйәсәк. Сөнки Аллаһы Тәғәләнең хаҡ дине кешеләргә бөтә тулылығында еткерелгән. Әле Ер шарында 1 миллиард 600 миллиондан ашыу мосолман бар. Мосолмандар йылдың-йылы ишәйә.
     Мосолмандар ғаиләһендә тыуған балалар иҫәбенә генә мосолмандар күбәйә, тип әйтеү хата булыр ине. Донъяның бөтә илдәрендә лә элек бүтән диндә булғандарҙан байтаҡ кеше Исламды ҡабул итә, хаҡ юлды таба һәм Аллаһҡа яҡынлаша. Мәүлид көнөндә бына шул хәҡиҡәтте таныу, күреү, аңлау-ҡыуаныслы күренеш. тулыһынса ошонда уҡығыҙ...

Вверх
.