Атай-әсәйҙе рәнйеттем
     Ата-әсәм иҫән ваҡытта уларҙы һүҙ менән рәнйеттем. Хәҙер улар юҡ инде, уларҙың ризалығын алыу өсөн миңә ни эшләргә кәрәк? «Шүрғәтүл-ислам» китабының «Атай-әсәйҙе риза ҡылыу намаҙы» бүлегендә килтерелә: «Рәсүлуллаһ ғәләйһис-сәләм әйтте: кемдер ата-әсә хаҡын үтәп, ата-әсәһе ҡулы аҫтынан сыҡҡас, ата-әсә хаҡын үтәүенең тәғәте ҡабул булмағандыр тип, йәһәннәм әһеле хәҙистәрен ишетеп, шикләнһә, ҡиәмәттә ата-әсә хаҡын үтәгәндәрҙең сафында ҡубырға теләһә, ахшам намаҙы менән йәстү намаҙы араһында кесе йома кисендә ике рәкәғәт намаҙ уҡыһын. Һәр рәкәғәттә «әл-Фатиха», биш «Аятүл-Көрси» һәм биш мәртәбә «әл-Ихлас», биш мәртәбә «әл-Фәләҡ» һәм «ән-Нәс» сүрәләрен уҡыһын. Намаҙҙан бушағас, ун биш мәртәбә тәүбә-истиғфар һәм унбиш мәртәбә салауат әйтһен. Быларҙың барыһының сауабын ата-әсәһенә бағышлаһын. Иншә Аллаһ, ул кеше ҡиәмәт көнөндә ата-әсәһенең ризалығында булыр һәм ата-әсәһен төшөндә күрер, улар әйтерҙәр: «Донъяла ваҡытта беҙ һинән риза түгел инек, бына хәҙер ризалығыбыҙ булды, Аллаһы Тәғәлә һиңә ризалығы булһын». Читать далее →

                                 Йөклө ҡатындар өсөн доғалар.
                                  اللَّهُمَّ اغطِنَا صِحَّةٌ وَ عَافِيةٌ وَأَولاَدًا صَالِحًا وَرِزْقًا وَاسِعَا وَدُعَاءَ مَقْبُولاً
     «Аллаһүммә әғтыйнәә сиххәтән үә ғәәфийәтән үә әүләдән салихән үә ризҡан үәсиған үә дуға-ән мәҡбүлә!»
     («Әй Аллаһ! Беҙгә һаулыҡ һәм сәләмәтлек бир. Хәйерле балалар бүләк ит, мул ризыҡ биреп, доғамды ҡабул ит!»).

     Изге бала һорап уҡыла, был доғаны бала тыуғас та, үҫә килә уҡыла:
                                         رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَ اجْعَلْنَا لِلْمُتَّقِينَ إمَامَا
     

     «Раббәнә һәб ләнәә мин әзүәджинәә үә ҙүрриййәтинәә ҡурратә әғйүниү-үәджғәлнәә лил-мүттаҡиинә имәмә.»

     («Әй, Раббыбыҙ! Беҙгә ҡатындарыбыҙҙан һәм нәҫелдәребеҙҙән күҙҙәребеҙҙең нуры, һөйөнөсө булырлыҡ яҡшы кешеләр бүләк ит һәм беҙҙе тәҡүә эйәләренә хужа ҡыл!») Читать далее →

                                    Юғалған әйберҙе табыу өсөн (доға)
     Юғалған әйберҙе эҙләү алдынан мосолман кеше шуны аңларға тейеш, был донъялағы һәр нәмә Аллаһ Тәғәләнең рөхсәте менән эшләнә. Һәр ваҡиға кешенең тормошонда ниндәйҙер мәғәнәгә эйә булыуы мөмкин. Әгәр ҙә беҙ күңелһеҙ хәлдәрҙән ҡотолорға теләһәк, Аллаһ Тәғәләнән был хаҡта һорайыҡ. Ул әйберҙе табырға, йәки башҡа нәмәгә ирешә алмаһаҡ, хәйерлегә булһын тип, шөкөр итәйек.
     Аллаһ Тәғәлә Ҡөръән Кәримдә әйтә: «Минән һорағыҙ һәм Мин һеҙгә яуап бирермен». Сүрә 40, 50 аят, (Ғәфү итеүсе) Читать далее →

                                       Истиска намаҙы һәм хөтбәһе тәртибе
     Аллаһ Тәғәлә тураһында тулы мәғлүмәтле булмаған наҙандар ҡоролоҡ килгәндә, ямғыр яумауҙы муллаларға япһарып, уларҙаң ғәйеп табырға тырышалар. Имеш мулла ямғыр теләмәгәс ул яумай. Бар ғәйеп кешенең аңһыҙлығында, уның бик гонаһлар ҡылыуында һәм тәүбә итмәүе арҡаһында Аллаһ ошо бәлә-ҡаза ебәрә. Был Аллаһтың бер ҙур һынауы, әле Аллаһ беҙҙе кешеләрҙе йәлләп түгел, ә Үҙенә шөкөр ҡылып торған ағас-үҫемлектәренә, хайуан-бөжәктәренә, еренә ямғыр яуҙыра. Әҙәм балаларының барыһы ла тәүбә итмәһә ошо ҡоролоҡтың бер-нисә йылдар буйы һуҙылыуы мөмкин. Ҡоролоҡтың әфәт икәнең, ҡаза икәнең аңламаған кешеләр  фекере буйынса халыҡ йыйылып ямғыр һораһа, мәжлес ойоштороп ашап-эсеп, хәлдәре бөткәнсә һыу һибешеп ҡойонһалар, Аллаһ быны мәрәкә күреп ямғыр яуҙыра башлай имеш... – көтөгөҙ өҫтөгөҙгә боҙ-таш яуғаның!

Читать далее →

                                         Коронавирустан һаҡланыу доғалары
     Интернет киңлегендә коронавирустан һаҡланыр өсөн мосолман илдәрендә ошо түбәндәге доғаларҙы уҡыйҙар.
     Коронавирус һәм башҡа ауырыуҙарҙан һаҡланыу өсөн Аллаһ Тәғәләгә һыйынырға һәм ошо доғаларҙы йыш уҡыр кәрәк.
     Ауырыу кеше табибҡа барып күренергә тейеш һәм ул ҡушҡан дарыуҙарҙы файҙаланһын. Әммә ауырыуынан йүнәлеүҙе табибтан йәки дарыуҙан өмөт итергә тейеш түгел, тик Аллаһынан ғына. Аллаһ Тәғәлә генә шифа бирә. Читать далее →

                                               Күңел төшөнкөлөгөнән доғалар
     Күңел төшөнкөлөгөнән (депрессиянан) доғалар.
     1.   Пәйғәмбәребеҙ саллаллааһу ғәләйһи үәс-сәләм күңел төшөнкөлөгөнән ошо доғаны уҡый ине.
لا إِلَهَ إِلَّا اللَّهُ الْعَظِيمُ الْحَلِيمُ، لَا إِلَهَ إِلَّا اللَّهُ رَبُّ الْعَرْشِ الْعَظِيمِ، لَا إِلَهَ إِلَّا اللَّهُ رَبُّ السَّمَوَاتِ، وَرَبُّ الْأَرْضِ، وَرَبُّ الْعَرْشِ الْكَرِيمِ
              Ләә иләәһә илләллааһүл-ғәҙиимүл-хәлиим,
              Ләә иләәһә илләллааһүл раббул-ғәршил-ғәҙиим,
              Ләә иләәһә илләллааһүл раббус-сәмәәүәәти
              үә раббул әрҙи үә раббул ғәршил-кәриим. Читать далее →