Күңел илар был доғанан!
Күңелде илата торған бик көслө доға. Был доғаны ихластан тыңлағанда күҙҙән йәштәр ағыр, тәнегеҙ зымбырҙар, эҫеле-һыуыҡлы булып китер, өшөрһөгөҙ йә янырһығыҙ, ҡалтырарһығыҙ, мыршылдап, танауығыҙ еүешләнер. Йөрәгегеҙ тулар, үҙегеҙҙе тыя алмай һыҡтарһығыҙ. Тәнегеҙ дерелдәп ҡаҙ тәне төктәре «гусиная кожа» (мурашка) менән ҡапланыр... Аллаһ Тәғәләне зекер итер өсөн бик уңайлы. Читать далее
Эврад (Evrad) доғалары
Эврад-и Бахая, Эврад-и Фәтхия, Эврад –Шәзәлиә... һәм башҡа суфый тәриҡәттәренә ҡараған зикерҙәр.
Эврад, Ислам динендә даими уҡыла торған доғалар һәм зекерле текстар шулай атала... Ғәҙәттә ул билдәле бер сүрәләрҙән, аяттарҙан йәки доғаларҙан тора һәм билдәле бер ваҡытта йәки билдәле бер ниәт менән уҡыла. Эврад ғибәҙәт ҡылыу формаһы тип һанала, ул кешене Аллаға яҡынайта, рухи яҡтан нығыта һәм тыныслыҡ бирә.
Эврадтың килеп сығышы:
Эврад һүҙе ғәрәп телендәге вирд һүҙенең күплек һаны булып тора, ул көн һайын даими уҡыла торған доға йәки зикр тигәнде аңлата. Читать далее
Сәкиин доғаһы
Сәкиин доғаһы
Сәкиин (سَكِين) доғаһы Джүннәтүль – әсмә доғаһы кеүек Аллаһ Тәғәләнең алты исеменән (Фәрдүн, Хәййүн, Ҡаййуумүн, Хәкәмүн, Ғәдлүн, Ҡуддуус) тора. Сәкиин һүҙе Ҡөрьәндә алты тапҡыр телгә алына. Сәкиин һүҙе Ҡөрьәндә ун туғыҙ һанына төрлөсә тап килә. Сәкииндең төп элементтарының береһе булып Бисмиллаһ тора. «Бисмилләһ» һүҙендәге хәрефтәр һаны — ун туғыҙ.
Ун туғыҙ хәрефтән торған Бисмилләәһ (ул хат Сөләймәндән һәм ул рәхимле, мәрхәмәтле Аллаһ исеме менән: бисмилләәһир-рахмәәнир-рахиим, тип башлана Ҡырмыҫҡа сүрәһе, 27/30) иҫкә алынған аят һаны тамуҡтың ун туғыҙ фәрештәне иҫкә алынған аят һаны менән тап килә (Шунда ун туғыҙ (фәрештә) булыр. Бөркәнгән сүрәһе, 74/30). Аңлатма: Уның өҫтөндә (ас-Сакарҙың тамуҡ ҡатламы өҫтөндә) ун туғыҙ (фәрештә) бар (Улар тамуҡ халҡын ғазаплай). Был тап килеү бисмилләһи һәм фәрештәлләр араһында бәйләнеш барлығын күрһәтә, һәм бөйөк сәхәбә Абдулла ибн Масуд түбәндәгеләрҙе әйткән. Масуд: «Бисмилләәһинең хәрефтәре — ун туғыҙ, тамуҡ фәрештәләренең һаны» тигән. Әл-Мунтахаб тәфсирендә: Йәһәннәм уты һәм унда йәшәүселәрҙе язалау тураһында хәстәрлек ун туғыҙға (фәрештәләргә) йөкмәтелә. Шуға күрә ун туғыҙ ғазап фәрештәһенән ҡотолорға теләгән кеше ун туғыҙ хәрефтән торған Бисмилләәһине уҡырға тейеш. Уны әйткән кеше өсөн Аллаһ был хәрефтәрҙең һәр береһен бер ғазап фәрештәһенән һаҡланыу өсөн ҡалҡан итә. Тәмуғ фәрештәләре булған фәрештәләр бөтә эшен Бисмилләәһ уҡып башҡара, һәм улар бөтә көстәрен Бисмилләләрҙән ала (Куртуби I/12; Беки Ниязи, Численное чудо молитвы, стр. 15) уларҙың ҡараштарының дөрөҫлөгөн раҫлай. Читать далее
Джүннәтүль – әсмә доғаһы
доға метафизикаһы
«Джүннәтүль – әл-Әсмә» (ожмах исемдәре) доғаһы бөтә төр үтенестәргә һәм теләктәргә һөҙөмтәле. Cennetül Esma, йәғни һаҡлаусы ҡалҡан, имам Ғәли (Аллаһ унан риза булһын) аша имам Ғаззалигә һәм унан аша башҡа имамдарға тапшырылып беҙгә килеп еткән. Был был исемдәр һәм аяттар ярҙамында һеҙ теләгән бөтә нәмәне Аллаһы Тәғәлә үтәйәсәк.
Был доғаны Ғәли хәҙрәт һәр ваҡыт уҡыған. Был доға ғомуми сифаттар яғынан бик оло доға булып иҫәпләнә. Айырыуса һәр төрлө морад-маҡсаттарға ирешеү өсөн, бәлә-ҡазаларҙан, дошманыңды юҡ итер өсөн, яуыз кешеләрҙең һәм ендәрҙең зыянынан ҡотолоу өсөн, зиһенде асыр һәм белем артырыр өсөн. Читать далее
нейросеть ярҙамында эшләнгән һүрәт
Намаҙ китабында: Бәҙрәфкә инер алдынан салбарҙың балаҡ остарын күтәрер кәрәк. Шулай уҡ, ихтыяжды ултырған килеш үтәргә кәңәш ителә. Былар кесе ярау иткәндәге ситкә сәсрәгән тамсыларҙан һаҡланыу һәм шул сәбәпле кейемде нәжестән таҙа тотоу өсөн мөһим. Бәҙрәфкә һул аяҡ менән инәләр, уң аяҡ менән сығалар. Бәҙрәфтә булғанда ашарға, эсергә һәм һөйләшергә кәңәш ителмәй. Читать далее
Боҙоҡлоҡҡа ҡаршы доғалар
Боҙоҡлоҡ ҡылыусы тирандарға һәм уларҙың эйәрсендәренә ҡаршы көслө доғалар. Пәйғәмбәребеҙ ғәләйһиссәләм заманында, улар бар яҡтан ҙур ауырлыҡтар, ҡыйынлыҡтар һәм яуызлыҡтар кисергән ваҡытта, дошмандар ҙур ғәскәр йыйып, мосолмандарға ҡаршы ҡуҙғалғас, пәйғәмбәребеҙ Мөхәммәд ғәләйһиссәләм һәм уның сәхәбәләре изге Ҡөръән Кәримдәге ошо аятты уҡыған:
حَسْبُنَا اللَّهُ وَنِعْمَ الْوَكِيلُ
...хәсбүнә-ллааһу үә ниғмәл-үәкиил
Беҙгә Аллаһының булғаны еткән. Ул бик яҡшы (ярҙамсы) вәкил, — тинеләр. 173-сө аят, Ғимран сүрәһе.
Аллаһ Тәғәлә мосолмандарға көс-ҡеүәт бирә һәм уларҙың бар ҡурҡыуҙары, ҡаҡшауҙары юғалып, улар дошмандарын еңәләр. Был доға Ибраһим пәйғәмбәребеҙ ғәләйһиссәләм доғаһы менән оҡшаш. Ибраһим ғәләйһиссәләмде, халҡын Ислам диненә саҡырғаны өсөн, уның дошмандары уны янып торған ҡыҙыу утҡа ташлайҙар. Ул бер-нисә һүҙҙән торған доға ҡыла һәм Аллаһының мөғжизәһе менән янып торған эҫе ут ялҡыны һалҡын зыянһыҙ ялҡынға әйләнеп, пәйғәмбәребеҙгә бер ниндәйҙә зыян килтермәй. Аллаһ был турала әлеге аяттында әйтә: Аллаһ иң яҡшы һаҡлаусы һәм тәрбиәсе, шуға ошо аятҡа таянып әлеге мосолмандар бар эш-хәлдәрен Аллаһҡа тапшыралар. Үҙҙәренең көсһөҙ саҡтарында улар: хәсбүнә-ллаһу үә ниғмә-л-үәкил, тип әйтеүҙәрен дауам иткәндәр, беҙ бер нәмәне лә контрольда тота алмағанда, быны тик Раббыбыҙ ғына Үҙенең көслө күҙәтеүе аҫтында тота ала һәм кәрәк саҡта уны һөҙөмтәһен Ул ғына бирә ала. Читать далее
Раббәнәәнең 40 доғаһы
Ҡөръән Кәримдә Раббәнәә (Аллаһ) менән башланған 40 доға аяттары. Был доғаларҙың әжер-сауабын үлсәй алырлыҡ нәмә юҡ. Улар күпселеге пәйғәмбәрҙәр тормошоның бер өлөшө булғандар, шуға күрә ҙур әһәмиәткә эйә. Был доғаларҙы фани доньяла еңеллек һәм киләсәктә ахирәткә эләгер өсөн төрлө теләктәр һәм үтенестәр бойомға ашһын өсөн уҡып була.
Беҙ, маҡсаттарыбыҙға ирешер өсөн, теләгәндәребеҙ үтәлһен өсөн тик Аллаһынан ғына ярҙам һорайбыҙ. Һәр хәлгә ҡарап, һораған, ҡылған доғаларыбыҙҙың әжере был донъяла килеп етмәһә лә, аҙаҡ Ахирәттә ҡабул булыуы ихтимал. Барыһы ла Аллаһ Тәғәләгә нисек ниәтләнеп ҡылыуыбыҙҙан тора, иншаАллаһ бар хәжәттәребеҙ ҡабул булыр. Шуға икеләнмәй генә доғаларҙа ихлас булайыҡ. Читать далее
Изге айҙарҙа доғалар
Ислам донъяһындағы өс мөбәрәк айҙың береһе булған Рәжәб айына, иншшаАллаһ, Аллаһ насип иткәс аяҡ баҫтыҡ. Ай календаре буйынса Рәжәб – йылдың 7-се айы һәм 4 изге айҙың береһе. Рәжәб һүҙе «тәржиб» һүҙенән алынған. Тәржемәһе «хөрмәтләү», «табыныу» тигәнде аңлата. Аллаһы Тәғәлә был айҙы хөрмәтләп ураҙа тотоусының һәм үҙенә доға ҡылыусының гонаһтарын кисерә, уны юғары дәрәжәләргә ирештерә. Мөхәммәд пәйғәмбәрҙең, ﷺ бер хәҙисендә әйтелгән: “Йәнәттә һөттән аҡ, балдан татлы Рәжәб тигән бер йылға бар. Рәжәб айында бер генә көн булһа ла ураҙа тотҡан кеше шул йылғанан шифалы шәрбәт эскән кеүек булыр".
Рәжәб һәм Шәғбән – изге Рамаҙан айы тураһында алдан хәбәр биреүсе айҙар булып торалар. Пәйғәмбәребеҙ Мөхәммәд, ﷺ йәнә бер хәҙисендә былай тип әйткән: «Рәжәб – Аллаһтың айы, Шәғбән – минең айым, ә Рамаҙан – өммәтемдең айы». Кемдер берәү Пәйғәмбәребеҙ, ﷺ: "Йә Рәсүлаллаһ, ни өсөн Рәжәб – Аллаһ айы һуң ул? – тип һораған. Пәйғәмбәребеҙ ﷺ: «Был айҙа ихлас күңелдән тәүбә итеүселәргә Аллаһы Тәғәләнең шәфәғәте инә, был айҙа ҡан ҡойоу, һуғыштар тыйылған, был айҙа Аллаһы Тәғәлә бөтөн пәйғәмбәрҙәрҙең доғаларын ҡабул ҡылған һәм күп кенә әүлиәләрҙе (изгеләрҙе) дошмандары ҡулынан ҡотҡарған». Беҙҙә көндәрен дә, төндәрендә салауат-шөкөрҙәрҙә булайыҡ. Читать далее
Йоғошло сирҙәрҙән (коронавирустан) доға
Йоғошло сирҙәрҙән (коронавирустан) ҡотолоу өсөн Аллаһының ун исемле доғаһы. Джаушан Кәбир доғалығынан Аллаһ Тәғәленең ун күркәм исемдәре. Аҫтағы доғаларҙы ла шуның өсөн файҙаланырға була. Аллаһ Тәғәлә һынау өсөн ебәргән йоғошло сирҙән – коронавирустан беҙ Аллаһыға инанмайынса, ҡотола алмайбыҙ. Ул йоғошло грипп һымаҡ ауырыуҙарҙың бер төрө, үлемгә алып барған осраҡтары ябай грипп менән сағыштырғанда аҙ. Тик беҙҙе көнө-төнө алдаған йүнһеҙ матбуғат саралары арҡаһында ғына ул ҡиәмәт итеп күрһәтелә. Әле бына уның яңы төрҙәре сыға башланы. Маска (битлек) кейеп йөрөү һеҙҙе, әгәр Аллаһ теләһә ҡотҡармай. Маска кейеп йөрөү арҡаһында кешенең иммуните́ты юғала, уға кислород етешмәй, шул арҡала ла үлемдәр осрағы теркәлә башланы. Читать далее
Баш ауырыуынан. Джаушан Кәбир доғалығынан.
Баш ауырыуынан ҡотолоу өсөн Джаушан Кәбир доғаһынан Аллаһының ун исеме. Джаушан Кәбир доғаһы йөҙ бүлектән тора. Ошо доғалыҡтан баш ауыртыуынан ҡотолоу өсөн Аллаһ Тәғәләнең ун исеме яҙылған ике бүлекте тәҡдим итәм. Ҡөръән Кәримдә: «Иң, гүзәл исемдәр Аллаһыныҡылыр, Уға хастыр. Аллаһыға был исемдәр менән доға ҡылығыҙ», — тип бойоролған. (Әғраф (Кәртәләр) сүрәһе, 180 аят). Читать далее