Бәрәкәт теләү доғаһы

                               Кемгәлер Аллаһ Тәғәләнең бәрәкәтең теләп доға ҡылыу

                                                   بَارَكَ اللَّهُ لَكَ فِى اَهْلِكَ وَ مَالِكَ

                                      Бәәракәл-лааһү ләкә фии әһликә үә мәәлик.

           Мәғәнәһе: Аллаһы Тәғәлә һинең ғаиләңә, бала-сағаңа һәм малыңа бәрәкәт бирһен.

                    Берәй нимә оҡшамағанда йәки эшләй алмағанда уҡыла торған доғалар

   Бер-бер хәл булһа, Аллаһҡа һуҡранырға ярамай. «Әгәр шулай эшләмәһәм, шулай булмаҫ ине», — тиергә ярамай. Сөнки был Аллаһ Тәғәлә ҡушҡан тәҡдирҙә булған.

                               "Ҡаддәраллааһү үә мәә шәә'ә фәғәлә".
 

   (Аллаһ Тәғәлә тәҡдир итте һәм теләгәнен эшләне.)

Берәүгә бәхетһеҙлек, йәиһә бәлә килгәндә уҡыла торған доға

Бисмилләһир-рахмәнир-рахим.
Иннә лил-ләһи үә иннә иләйһи ражиғүн. Аллаһүммә ғиндәкә әхтәсибү мүсибәти. Фәъжүрни фиһә үә әбдилни биһә хайрам минһә.

Мәғәнәһе: “Беҙ бөтәбеҙ ҙә Аллаһ бәндәләребеҙ һәм Уға әйләнеп тә ҡайтасаҡбыҙ. Был бәхетһеҙлектәрҙә кисереүҙә аҡыл менән тапҡан хаҡ юлым өсөн дә һинең алдыңда иҫәп-хисап бирәсәкмен. Түҙемлектәрем өсөн әжереңде бир, был бәләләрҙе яҙмыштың яҡшыраҡтарына алмаштыр”.

                       Берәй кеше үҙеңә (һиңә) яҡшылыҡ эшләһә, ошо доғаны уҡырға кәрәк:

                                                   «Джәзәәкәллааһү хайран»

                              — «Һиңә Аллаһ Тәғәлә үҙенең рәхмәтен насыйп итһен!»

                                         Яҡшы тәрбиә алған хәйерле баланың доғаһы:

   Ислам тәрбиәһендә етешкән кеше, ата-әсәһе ҡартайғас, уларға насар ҡарамаҫ, күңелдәрен ҡырмаҫ. Улар хаҡында шулай доға ҡылыр:

                         "Раббирхәмһүмә кәмәә Раббәйәәни сағыыра".

   (Раббым! Ата-әсәмә, улар миңа мәрхәмәт ҡылған кеүек, һин дә уларға шулай мәрхәмәт ҡыл).
   Был аят йәмғиәттәге аяныс хәлдәрҙе иҫкәртә. Бөгөн ҡайһы берәүҙәр, ата-әсәләре ҡартайғас, уларҙы ташлайҙар.

                                             Донъя һәм әхирәт өсөн доғалар

   Аллаһүммә әғинни ғәлә ҙикрикә үә шүкрикә үә хүсни ғибәдәтик.

   Мәғәнәһе:
Эй, Раббым! Һине зекер һәм һинең менән шөкөр итеүҙә, Һиңә күркәм ғибәҙәттә булырға ярҙам ит.

   Аллаһүммә инни әғүҙү бикә мин ғилмин лә йәнфәғү үә ҡалбин лә йәхшәғү үә дүғә'ин лә йүсмәғү үә нәфсин лә тәшбәғү.

   Мәғәнәһе:
Эй, Раббым файҙаһыҙ ғилемдән, ҡурҡмай торған күңелдән (Аллаһынан ҡурҡмай торған күңелдән), Аллаһыға ишетелмәгән (ҡабул ителмәгән) доғанан, туймай торған нәфсенән Үҙең һаҡла.

   Пәйғәмбәребеҙ Мөхәммәдтең, ғәләйһис-сәләм, һәр төрлө насарлыҡтарҙан Аллаһ Тәғәләгә һыйынып ҡылған доғаһы

   Бисмилләһир-рахмәнир-рахим.
   Аллаһүммә инни әғүҙү бикә мим мүнкәратил-әхләҡи үәл- әғмәли үәл-әһүә'и үәл-әдүә’и.

   Мәғәнәһе:“Эй, Раббым Аллаһ! Үҙеңә һыйынамын холоҡтарҙың, эштәрҙең, теләктәрҙең һәм ауырыуҙарҙың яманынан’’.

         Пәйғәмбәребеҙ Мөхәммәд, ғәләйһис-сәләм, изге холоҡ һәм изге ғәмәл теләп ҡылған доғаһы

   Бисмилләһир-рахмәнир-рахим.
   Аллаһүммәһ-дини ли әхсәнил-әғмәли үә әхсәнил-әхлаҡи лә йәһди. ли әхсәниһә иллә әнтә үә ҡини сәййиәл-әғмәли үә' сәййиәл-әхлаҡи лә йәҡи сәййиәһә иллә әнтә.

   Мәғәнәһе: '‘Эй, Раббым! Мине изге эшкә, ғәмәлгә һәм изге холоҡҡа күндер, һинән башҡа изге сифаттарға күндереүсе юҡ. Мине гонаһ эштәрҙән һәм яуыз холоҡтан һаҡла. Сөнки һинән башҡа был насарлыҡтарҙан һаҡлаусы юҡ .

   Аллаһы Тәғәләнең һөйөклө пәйғәмбәре Мөхәммәд ғәләйһис-сәләмдең мосолмандар араһында хәйерле дуҫлыҡ һәм изге мөғәмәлә теләп ҡылған доғаһы

Аллаһүммә әллиф бәйнә ҡулүбинә үә әслих зәтә бәйнинә. 

Мәғәнәһе: Әй, Раббым беҙҙең күңелдәребеҙҙе бер-береһенә яҡынайт, дуҫлаштыр һәм беҙҙең араларыбыҙҙы ихлас ҡыл, төҙөкләндер.