Бәдәүәм китабы

Белегеҙ Алла берлеген
Ислам дине хаҡлығын.
Әхмәт(Мөхәммәр ғәләйһиссәләм)
пәйғәмбәрлеген
Аллаһ!—тиген, бәдәүәм.
         Иманыңды яҡшы белең,
         Хаҡ бойороғоң тотоң.
         Расул фиғылың ҡылың
         Аллаһ! —тиген, бәдәүәм
Иманды яҡшы белмәгән
Хаҡ бойороғон тотмаған,
Улдыр әҙәми шайтан
Аллаһ!—тиген, бәдәүәм.
         Иман белмәҫ кафырҙыр,
         Һәм фәсиҡ, һәм фәжерҙер,
         Һәм мордардыр, мәлғүндер
         Аллаһ!—тиген, бәдәүәм.

Иман белмәгән кеше
Хараптыр барса эше.
Ҡабул булмаҫ һис эше.
Аллаһ!—тиген, бәдәүәм.
         Иман белмәгән хурҙыр
         Тәңренән уға ләғнәттер.
         Боғаҙлағаны мордардыр
         Аллаһ!—тиген, бәдәүәм,
Иманһыҙға бирмә сәләм
Ҡушмағыл яҡшы кәләм.
Улдыр әҙәми шайтан
Аллаһ!—тиген, бәдәүәм.
         Иман белмәҫ ҡатындар
         Иргә барһа һәм улар
         Иренә хәрәм улар,
         Аллаһ!—тиген, бәдәүәм.
Никахы боҙоҡ булыр
Ире юҡ, зина ҡылыр.
Уландары хәрәм булыр
Аллаһ!—тиген, бәдәүәм.
        Иман белмәгән үлер
        Шулай иманһыҙ китер.
        Тамуғта урынын күрер
        Аллаһ!—тиген, бәдәүәм.
Уны йыумаҡ — рәвә юҡ
Кәфен сармаҡ уға юҡ
Йыназа уҡымаҡ уға юҡ
Аллаһ — тиген, бәдәүәм.
        Күммә, мөъмин ҡәберенә
        Күмең кафыр ҡәберенә.
        Китһен тамуғ төбөнә
        Аллаһ!—тиген, бәдәүәм.
Һәр кем потҡа табынһа (тәрегә)
Йә һыуға нәмә һалһа,
Йә ағасҡа нәмә һалһа
Аллаһ!—тиген, бәдәүәм.
        Йә зөннарҙы бәйләһә
        Йә ул келәү күтәрһә.
        Харамды хәләл белһә
        Аллаһ!—тиген, бәдәүәм.
Пәйғәмбәр былай тине
Кафырҙар улар тине.
Тамуғлыҡ — улар тине
Аллаһ!—тиген, бәдәүәм.
        Йә бер ғалимде һүкһә,
        Йә остаҙын хурлаһа,
        Йә мөъмин ауыҙын һүкһә
        Аллаһ!—тиген, бәдәүәм.
Йә эшләпә кейһә,
Йә шәриғәтте хурлаһа,
Йә Ҡөръәнде тапаһа
Аллаһ!—тиген, бәдәүәм.
        Был эштәрҙө ҡуймаған,
        Ҡайтып тәүбә ҡылмаған,
        Кафыр, мәлғүндер һаман
        Аллаһ!—тиген, бәдәүәм.
Ҡатындары харамдыр,
Боғаҙлағаны мордардыр,
Ғәмәлдәре заяғалыр
Аллаһ!—тиген, бәдәүәм.
        Иманһыҙҙы дуҫ тотма,
        Уға һин яҡшылыҡ итмә,
        Анан яхшылыҡ көтмә
        Аллаһ!—тиген, бәдәүәм.
Иманды яҡшы белмәгән,
Хаҡ бойороғон тотмаған,
Улдыр рәхмәт тапмаған
Аллаһ!—тиген, бәдәүәм.
       Иманды белгән кеше
       Төҙөктөр барса эше
       Ҡабулдыр изге эше
       Аллаһ!—тиген, бәдәүәм.
Иманды белгән кешегә
Рәхмәт яуыр башына.
Фәрештәләр килер ҡаршына
Аллаһ!—тиген, бәдәүәм.
       Иман белгәнде дуҫ тот
       Уға һин яҡшылыҡ ит.
       Алланың рәхмәтен көт
       Аллаһ!—тиген, бәдәүәм.
Иман Алланы бер белмәк,
Ислам динен хаҡ белмәк.
Пәйғәмбәрҙе раст белмәк
Аллаһ!—тиген, бәдәүәм.
       Әүүәл иманды белең.
       Биш ваҡыт намаҙ ҡылың,
       Рамаҙанда ураҙа тотоң
       Аллаһ!—тиген, бәдәүәм.
Малың булһа зәҡәт бирең,
Көсөң етһә хаж ҡылың.
Быларҙы фарыз белең
Аллаһ!—тиген, бәдәүәм.
        Намаҙһыҙ динһеҙ үтәр
        Ах! Ул ҡәберҙә ней эшләр?
        Йәһәннәм төбөнә китер
        Аллаһ!—тиген, бәдәүәм.
Иртә намаҙын ҡуйған
Бел: биҙер унан иман.
Ни булған бынан яман
Аллаһ!—тиген, бәдәүәм.
         Өйлә намаҙын ҡуйыр,
         Барса пәйғәмбәр биҙәр,
         Ҡыйәмәт көн булыр хур
         Аллаһ!—тиген, бәдәүәм.
Икенде намаҙын ҡуйған,
Бел: биҙәр унан Ҡөръән
Юлдашы булыр шайтан
Аллаһ!—тиген, бәдәүәм.
         Бер кемсә ахшам ҡуяр,
         Барса фәрештә биҙәр.
         Барсаһы ләғнәт тейәр
         Аллаһ!—тиген, бәдәүәм.
Йәсиғ намаҙын ҡуйған
Булыр Тәңрегә дошман,
Булыр ләғнәттә һаман
Аллаһ!—тиген, бәдәүәм.
        Намаҙҙы кемдер ҡуйған
        Әҙәм, түгел, ул шайтан,
        Эт, дуңғыҙҙан ул яман
        Аллаһ!—тиген, бәдәүәм.
Иҫерткесте бел: харам
Нәжес, мордадыр һаман
Тамсыһы ҡандан яман
Аллаһ! —тиген, бәдәүәм.
       Хәрам эсһә һәр кем ул
       Изгелектәр ҡылһа ул
       Һис бере булмаҫ ҡабул
       Аллаһ!—тиген, бәдәүәм.
Һәр кем эсһә харамды,
Йыйһа ул бер тәғәмде
Мордар булғай ҡалғаны
Аллаһ!—тиген, бәдәүәм.
        Иҫереккә бирмә сәләм
        Ул бирһә һәм һин алма
        Ҡулыңды уға һонма
        Аллаһ!—тиген, бәдәүәм.
Иҫерек Тәңре дошманы
Дошман белең һин уны
Дуҫы уның, шайтан
Аллаһ!—-тиген, бәдәүәм.
        Һәр кем иҫерек заманы
       Сыҡһа тәненән йәне
       Йәһәннәмдер мәкәне
       Аллаһ!—тиген, бәдәүәм.
Иҫерткес эскән инсан
Әҙәм түгел, — ул хайуан
Бел: хайуандан ул яман
Аллаһ!—тиген, бәдәүәм.
         Һәр кем иҫерткес эсер
         Бел: иман унан ҡасыр.
         Шайтан менән жимағ итер
         Аллаһ!—тиген, бәдәүәм.
Һәр кемдең малы булһа,
Зәкәтен ул бирмәһә,
Мәлғүндер ул кемсә
Аллаһ!—тиген, бәдәүәм.
        Зәкәт, ғөшөр бирмәгән,
        Мәлыны паҡ ҡыллаған,
        Бел: дуңғыҙҙан ул яман
        Аллаһ!—тиген, бәдәүәм.
Һәр кем бирмәһә зәкәт
Малында булмаҫ бәрәкәт
Ахыры булыр ул харап
Аллаһ —тиген, бәдәүәм.
        Зәкәтһеҙ мал харамдыр
        Дунғыҙҙаң да ямандыр
        Зәкәт бирмәҫ—ҡарундыр
        Аллаһ!—тиген, бәдәүәм.
Ҡарун зәкәт бирмәне,
Ахыры уны ер йотто,
Йәһәннәм төбөнә китте
Аллаһ!—тиген, бәдәүәм.
        Һәр кем белһә Алланы
        Дуҫ тотор Тәңре уны
        Ожмахта ахырғы урыны
        Аллаһ!—тиген, бәдәүәм,
Намаҙ уҡыған осор,
Кәүҫәр шарабын эсер,
Ожмахта хурҙар ҡосар
Аллаһ! — тиген, бәдәүәм.
       Донъяны һеҙ ҡыуырһығыҙ,
       Күп малдарҙы йыйырһығыҙ,
       Барын ҡыуып китәрһегеҙ
       Аллаһ!—тиген, бәдәүәм.
Донъя ҡыуған михнәтә
Һәм мәшәҡәт, зәхмәттә.
Төрлө-төрлө ғазапта
Аллаһ! —- тиген бәдәүәм.
        Был донъяны һөймәгеҙ
        Ғафләт эсендә ҡалмағыҙ.
        Намаҙығыҙҙы ҡуймағыҙ
        Аллаһ! – тиген бәдәүәм.
Үлем хастасы килер
Уландарың, йыйылыр.
Ҡәрҙәштәрең күрә килер,
Аллаһ! — тиген бәдәүәм.
        Әжәл килер — үләрһең.
        Был донъянан китәрһең,
        Ней ҡылғаныңды күрәрһең,
        Аллаһ! — тиген бәдәүәм.
Ҡәрҙәштәрең йыйылышыр
Ҡатындарың ыңғырашыр.
Балаларың илашыр
Аллаһ! — тиген бәдәүәм.
       Һис бере ярҙам ҡылмаҫ
       Әжәлдән алып ҡалмаҫ.
       Һис кемдән дәрмән булмаҫ
       Аллаһ! — тиген бәдәүәм.
Ни тиклем булһа малың
Тағы төрлө тауарың.
Китәрһең ҡуйып барын
Аллаһ! — тиген бәдәүәм.
      Ахыр заман яҡын булды
      Донъяға фетнә тулды.
      Күп ғалимдар залим булды
      Аллаһ! — тиген бәдәүәм.
Күп ғалимдәр тамиғ булыр
Күп мөъминдәр залим булыр.
Күп суфыйҙар шайтан булыр
Аллаһ! — тиген бәдәүәм.
          Йыймаҡтыр һиммәттәре
          Ҡатындыр ҡыбладары.
          Дирһәмдер (аҡса) һәм диндәре
          Аллаһ! — тиген бәдәүәм.
Барына ҡәнәғәт юҡ,
Аҙына һәм сабыр юҡ.
Күбенә һәм шөкер юҡ
Аллаһ! — тиген бәдәүәм.
           Ғалимдарҙың яманы
           Шайтандыр уның йәне.
           Йәһәннәмдер, мәкәне (урыны)
           Аллаһ! — тиген бәдәүәм.
Ғалим туры әйтмәһә
Үҙе ғилемен тотмаһа.
Кеше күңелен һаҡлаһа.
Аллаһ! — тиген бәдәүәм.
          Ғалим түгел шайтандыр,
          Наҙандарҙан ямандыр.
          Бел: хайуандан аҙғындыр,
          Аллаһ! — тиген бәдәүәм.
Шайтандың дуҫы ул
Алланың дошманы ул.
Тамуғҡа юлбашсы ул
Аллаһ! — тиген бәдәүәм.
         Ҡыйәмәт көн булғанда
         Тамуғҡа башлар уңда.
         Юлдаштары артында
         Аллаһ! — тиген бәдәүәм.
Юлдаштары әйтер: «Йә ғалим!
Һин аҙҙырҙың, йә залим.
Тура әйтмәнең ғалим
Аллаһ! — тиген бәдәүәм.
        Хаҡ әйтер: «Йә, залимдәр!
        Юҡмыни ғалимдәр.
        Тыйманымы улар
        Аллаһ! — тиген бәдәүәм.
Замана ахыры булды
Ҡыйәмәт яҡын килде.
Сығар Дәжжәл һәм Мәһди
Аллаһ! — тиген бәдәүәм.
        Йәъжуз үә Мәъжүз сығар
        Донъяға йәмлә тулар.
        Барса нәмәне йыяр
        Аллаһ! — тиген бәдәүәм.
Исрафил сурын өрәр.
Һибәтендән ер-күк тетрәр.
Берса нәмәне йыяр
Аллаһ! — тиген бәдәүәм.
        Терек кемсә һис ҡалмаҫ
        Тиберәнер нәмә булмаҫ.
        Барыһы үлмәйсә ҡалмаҫ
        Аллаһ! — тиген бәдәүәм.
Күктән бер болот сығар
Шәһүәт тик ямғыр яуар.
Ер йөҙө диңгеҙ тулар
Аллаһ! — тиген бәдәүәм.
       Яратылған ағзаләр,
       Тупраҡ булған һөйәктәр.
       Әүүәлге тик булырҙар
       Аллаһ! — тиген бәдәүәм.
Кәрәкһә һыуға батһын
Кәрәкһә утҡа янһын.
Кәрәкһә балыҡ йотһон
Аллаһ! — тиген бәдәүәм.
         Әүүәлгенән үлгәндәр
         Сереп тупраҡ булғандар.
         Барыһы иҫән булырҙар
         Аллаһ! — тиген бәдәүәм.
Исрафил ҫурын өргәй
Йән менән ер-күк тулған,
Барса йән тәнгә кергәй
Аллаһ! — тиген бәдәүәм.
         Әҙәмдәр ерҙән сыҡҡай
         Ҡәбер өҫтендә ултырғай.
         Етмеш йыл хайран булғәй
         Аллаһ! — тиген бәдәүәм.
Күк ҡыҙыл ҡан тик. булғай
Йондоҙҙар ергә төшкәй.
Тауҙар һауаға осҡай
Аллаһ! — тиген бәдәүәм.
         Ней ҡәҙәр йылдар кискәй
         Ете ҡат күк ярылғай.
         Фәрештәләр ергә төшкәй
         Аллаһ! — тиген бәдәүәм.
Ете ҡат ер аҫтынан
Сығар йәһәннәм унан.
Һауа тулыр төтөнөнән
Аллаһ! — тиген бәдәүәм.
         Ҡара тау тик осҡондар
         Тамуғ эсенән сәсерҙәр.
         Иманһыҙҙарға төшөрҙәр
         Аллаһ! — тиген бәдәүәм.
Нәгәһ аждаһа сығыр
Намаҙһыҙҙарҙы йотор.
Тамуғ эсенә ҡуяр
Аллаһ! — тиген бәдәүәм.
         Иманды яҡшы белгәндәр
         Биш ваҡыт намаҙҙы ҡылғандар
         Ожмахҡа барыр улар
         Аллаһ! — тиген бәдәүәм.
Харамдан һаҡланғандар
Алла бойороғон тотҡандар.
Ожмахҡа китәр улар
Аллаһ! — тиген бәдәүәм.
          Тамуғ эсенә кергәндәр
          Оло йылан-саяндар.
          Ғазап ҡылырҙар улар
          Аллаһ! — тиген бәдәүәм.
Тәндең тышы янғай
Эсенән йәш ит үҫкәй
Йәне һәр гиз сыҡмағай
Аллаһ! — тиген бәдәүәм.
          Ожмах әһле ҡартаймаҫ
          Дәхи һис хаста булмаҫ.
          Ожмахҡа кергән үлмәҫ
          Аллаһ! — тиген бәдәүәм.
Хөллә тундар кейерҙәр
Пыраҡтарға (атҡа) менерҙәр.
Хур ҡыҙҙары ҡосарҙар
Аллаһ! — тиген бәдәүәм.
          Тупраҡтары зәғфран
          Таштары ынйы-мәрйен.
          Нигмәттәре әлүәң-әлүән
          Аллаһ! — тиген бәдәүәм.
Йофарҙан булыр тауҙар
Һөттән булыр шишмәләр.
Төрлө-төрлә емештәр
Аллаһ! — тиген бәдәүәм.
         Төрлө-төрлө шарабтар
         Алтын-көмөш табаҡтар.
         Китереү менән һонарҙар
         Аллаһ — тиген бәдәүәм.
Төрлө мәжлис ҡылырҙар
Әнүәғ симағ әйләрҙәр.
Даим ғишрат ҡылырҙар
Аллаһ! — тиген бәдәүәм.
         Әй, мөъминдәр, ғафил булма
         Был донъяға алданмаң.
         Әхирәттә хур булмаң
         Аллаһ! — тиген бәдәүәм.
Донъяның фекерен ҡуйғыл
Гонаһтан тәүбә ҡылғыл.
Ожмахта урын алғыл
Аллаһ! — тиген бәдәүәм.
           И, мөьминдәр, ғафил һеҙ
           Үлемде һис һиҙмәҫһегеҙ.
           Был донъянан китәрһәгеҙ
           Аллаһ! — тиген бәдәүәм.
Терек кемсә һис ҡалмаҫ
Тиберәнер нәмә булмаҫ.
Барыһы үлмәйсә ҡалмаҫ
Аллаһ — тиген бәдәүәм.
           Малың даим һанарһың
           Гонаһыңды белмәҫһең.
           Ғүмереңде оҙон Һанарһың
           Аллаһ! — тиген бәдәүәм.
Донъяның юҡ вафасы
Рәхәттең юҡ баҡасы,
Һәм төкәнмәҫ яфаһы
Аллаһ! — тиген бәдәүәм,
          Әжәл килер, үләрһең.
          Әхирәткә барырһың,
          Һәр ней ҡылһаң күрерһең,
          Аллаһ! — тиген бәдәүөм.
Ләхет эсенә ҡуярҙар
Тупраҡ менән кумерҙәр.
Ҡырҡ аҙым китһәләр
Аллаһ! — тиген бәдәүәм.
        Сыҡҡан йән тәнгә кергәй,
        Үҙен ҡәберҙә күргәй.
        Ах-уах! тейеп илағай,
        Аллаһ! — тиген бәдәүәм.
Аҡылды йәмғи ҡылғай,
Ней күрермен? тип торғай.
Ике фәрештә килгәй,
Аллаһ! — тиген бәдәүәм.
        Тәңрең кемдер- тиерҙәр,
        Динең ней диндер тиерҙәр.
        Пәйғәмбәрең кем тиерҙәр,
        Аллаһ! — тиген бәдәүәм.
Һәр кем яуабын биргәй,
Ожмахта урынын күргәй.
Ҡәбер эсе нур тулғай
Аллаһ! — тиген бәдәүәм,
         Фәрештәләр килерҙәр
         Алып алтын табаҡтар.
         Эсе тулы емештәр,
         Аллаһ! — тиген бәдәүәм.
Кеме атаһы булыр,
Кеме анаһы булыр.
Кеме улы булыр,
Аллаһ! —тиген бәдәүәм.
          Хуш килдең бында тиерҙәр,
          Ҡайғы юҡ һиңә тиерҙәр.
          Беҙ дәхи бергә тиерҙәр,
          Аллаһ! — тиген бәдәүәм.
Уны күреп һөйөнгәй,
Йәне рәхәттә булғай.
Донъяны ул онотҡай,
Аллаһ! — тиген бәдәүам
          Бер аҙ ултыр һин тиерҙәр,
          Беҙ дәхи бергә тиерҙәр.
         Ҡыйәмәткәсә тиерҙәр,
         Аллам — тиген бәдәүәм.
Яуабын бирә алмаған
Иманын яҡшы белмәгән.
Изгелекте ҡылмаған,
Аллаһ! — тиген бәдәүәм.
          Суҡмар менән орырҙар,
          Ҡафыр мәлғүн, һин! — тиерҙәр
          Тамуғылыҡ һин! — тиерҙәр,
          Аллаһ! — тиген бәдәүәм.
Уны ләхет һәм ҡыҫар,
Ҡаббырғалары сығар.
Йыландар килеп тулар,
Аллаһ! — тиген бәдәүәм.
         Тамуғтә урынын күргәй,
         Ней ҡылаһын белмәгәй.
         Ишәк кеүек баҡырғай,
         Аллаһ! — тиген бәдәүәм.
Был донъяла ҡунаҡ беҙ,
Ғәмәл өсөн килгәнбеҙ.
Ҡыямәткә барырбыҙ,
Аллаһ — тиген бәдәүәм,
           Һисбер кем, үлмәй ҡалмаҫ,
           Йәнә терелмәй ҡалмаҫ,
           Һис бере ҡотола алмаҫ,
           Аллаһ! — тиген бәдәүәм.
Ғүмеребеҙ көн-төн үтәр,
Аҙығыбыҙ көн-төн бөтәр!
Әжәл яҡабыҙҙы тотар,
Аллаһ! — тиген бәдәүәм.
          Ғазраил йәнен алыр,
          Вариҫтар малын алыр.
          Һиңә үәбалы булыр,
          Аллаһ! — тиген бәдәүәм.
Көн-төн жиһат ҡылғаның,
Донъя ҡыуыр йөрөгәнең.
Ҡайҙа ғәмәл ҡылғаның,
Аллаһ! — тиген бәдәүәм.
           Үлмәҫ кеүек булып йөрөнең,
           Яҡшы ғәмәл ҡылманың,
           Тәүбәнде һәм ҡылманың,
           Аллаһ! — тиген бәдәүәм.
Үткән гумер һис ҡайтмаҫ,
Малың һис файҙа бирмәҫ.
Үлгәндән һуң тәүбә булмаҫ,
Аллаһ! — тиген бәдәүәм.
          Ғүмерең үтте юҡ хасил,
          Һаман йөрөрһең ғафил.
          Әгәр ир, һин бул хәҙер,
          Аллаһ! — тиген бәдәүәм.
Шәриғәтте мәхкәм тот,
Гөнаһтарҙан тәүбә ит.
Тура юлға, тура кит,
Аллаһ! — тиген бәдәүәм.
            Шәриғәтте тотмаған,
            Гөнаһтан тәүбә итмәгән.
            Урыны тамуғдыр һаман,
            Аллаһ! — тиген бәдәүәм
Һәр кем шәриғәтте тотар,
Гөнаһтан тәүбә итәр.
Ожмахҡа тура китәр,
Аллаһ — тиген бәдәүәм.
            Шәриғәтте тотҡандар,
            Ожмахта керә улар.
            Мәңге рәхәттә улар,
            Аллаһ! — тиген бәдәүәм.
Беҙ меҫкен бәндәләреңде,
Ғасый, хур бәндәләреңде.
Ярлыҡағыл йә, Раббем!
Аллаһ! — тиген бәдәүәм.
          Шәриғәттә ҫәбит ҡыл,
          Тәүфик менән юлдаш ҡыл.
          Иман менән баҡый ҡыл,
          Аллаһ! — тиген бәдәүәм.

Бәдәүәм китабын баҫмаға әҙерләне Сибай мәсжиде имам-хатибы хажи Әғләмиддин Әҙәһәм улы Ғәзиз хәҙрәт

                                           Аңлатмалар
   Бәдәүәм шиғыр менән көйләп уҡый, дингә ялҡынлы өндәүе хас булған, авторы билгеһеҙ әҫәр.
Мәжүселек йолаларына ҡаршы юнәгән ҡайһы бер юлдары уны бик боронғо әҫәр тиеп һанарға нигеҙ бирә.
Һәр дүрт юл ахырында килгән «Аллаһ! — тиген бәдәүәм» (Алла тиген дәимән) юлдарына ҡарап әҫәргә «Бәдәүәм» исеме бирелгән.
Әғҙам — бик бөйөк, дәрәжәле
Салләллаһү ғәләйһи үә сәлләм — Мөхәммәт пәйғәмбәргә Алланың рәхмәте үә сәләме булһын Иғтиҡад — ысын күңелдән ышаныу
Мәдех — маҡтау
Фәсиҡ — боҙоҡ
Фәжер — гонаһлы, аҙғын
Мордар — үләкһә, әшәке
Мәлғүн — ҡыуылған, һөрөлгән һәр төрлө яҡшылыҡтан мәхрүм ителгән
Ләғнәт — ҡыуыу, һөрөү, ҡарғыш
Боғаҙлағаны — һуйылған малы
Ҡәләм — һүҙ
Харам — дини яҡтан тыйылған нәмә
Зина — уйнаш, фәхишәлек
Рәвә юҡ — тейеш түгел
Сармаҡ — кейҙермәк
Зөннәр — христиандар бәйләй торған билбау
Келәү — мәжүселек йола
Заяғадыр — буш, әрәмдер
Нәжес — бысраҡ
Мәкән — урын
Жимағ итәр — яҡынлыҡ ҡылыр
Ғәфләт — бер ней белмәй йөрөү
Тамиғ — кешенән өмөт итеүсе
Ғишрәт — дуҫлыҡ
Ғафил — һиҙмәй, белмәй ҡалыусы
Үәбалы — бәләле
Ғаҫый — бойһонмаусы, гонаһлы
Ҫәбит — һүҙендә, фекерендә ныҡ тороусы
Әлүән-элүән — төрлө-төрлө

Ошо биттәрҙә мөнәжәттәр уҡығыҙ:

https://nazir1965.com/category/m%D3%A9n%D3%99zh%D3%99tt%D3%99r