Доғалар һәм намаҙ

Ауырыуҙарҙан доғалар

0

                                                         Шифалы доғалар

                                   Ауырыуҙарҙан шифа табыу өсөн уҡыла торған доғалар
   Ауырыу кеше ауырыуынан ҡотолоу өсөн, ваҡытты һуҙмайынса, табибҡа барырға тейеш. Табип әйткәндәрҙе үтәгәндә, доғаны ла оноторға ярамаҫ. Был ауырыу доғаларҙы үҙе уҡырға мөмкин, башҡа кешенән дә уҡыта ала. Аллаһы Тәғәләнең : "Ауырыу кешенең доғаһы ҡабул була” тигәнде иҫкә алып ысын күңелдән Аллаһынан шифа һорар кәрәк. Бер мосолмандың икенсе мосолманға, ата-әсәнең балаға ҡылған доғаһы, йома көнө, ямғыр-ҡар яуған көн һәм төндәрҙә ҡылынған доға-теләктәр ҡабул булыуына шикләнмәй Аллаһынан һорағыҙ. Аҫтағы Ҡөръән Кәримдәге аяттарҙың береһенме, йәки барыһын бер юлы уҡығас: шифа һорап раббанәс йә шифа һорау доғаларын уҡып, өҫтәп тағы ла үҙ телдә теләп доға ҡылып алығыҙ.

   Доға ҡылыу рәүеше ошо биттә: //nazir1965.com/din/do%D2%93a-%D2%A1ylyu-t%D3%99rtibe.html

   Доға ҡылыу әҙәбе ошонда: //nazir1965.com/din/do%D2%93a-%D2%A1ylyu-%D3%99%D2%99%D3%99be.html

   Салауаттар (маҡтау) әйтергә лә онотмағыҙ. Башҡа доғалар ошо биттә:  //nazir1965.com/do%D2%93alar/do%D2%93a.html һәм ошо биткә баҫығыҙ: //nazir1965.com/do%D2%93alar/auyry%D2%93anda-u%D2%A1yla-tor%D2%93an-do%D2%93alar.html 

   Пәйғәмбәребеҙ ауырыуҙар хаҡында ни әйткәнен ошо биттә уҡығыҙ://nazir1965.com/s%D3%99l%D3%99m%D3%99t-buly%D2%93y%D2%99/p%D3%99j%D2%93%D3%99mb%D3%99rebe%D2%99-auyryu%D2%99ar-xa%D2%A1ynda.html
   

  Аллаһ Тәғәләнең шифалары насип булһын өсөн тәһәрәтле хәлдә башта «Фатиха» сүрәһе уҡыйбыҙ:
بِسْمِ اللَّهِ الرَّحْمَنِ الرَّحِيمِ
الْحَمْدُ لِلَّهِ رَبِّ الْعَالَمِينَ*
الرَّحْمَنِ الرَّحِيمِ*
مَالِكِ يَوْمِ الدِّينِ*
إِيَّاكَ نَعْبُدُ وَإِيَّاكَ نَسْتَعِينُ*
اهْدِنَا الصِّرَاطَ الْمُسْتَقِيمَ*
صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ

 

ҡабаттан тыңларға һәм сайттан сығып китмәҫ өсөн мр3 плерҙә уң яҡтағы крестика баҫығыҙ

тулыһынса ошонда уҡығыҙ...

Әл-Хәшер

0

                                                                      Әл-Хәшер

                                            Әл-Хәшер (20-24 аяттар), Исме әғзам доғаһы
   Пәйғәмбәребеҙ (Уға Аллаһының хәйер доғаһы һәм сәләмдәре булһын!) бер көндө мәсеттә мөбәрәк арҡаһын михрабҡа ҡуйып ултыра ине. Ябраил ғәләйһис-сәләм килеп сәләм бирҙе һәм әйтте: «Эй, Мөхәммәт! Тәңребеҙ һиңә сәләм әйтте», -тине. Бик сауаплы бер доға тураһында һөйләне. «Эй, Мөхәммәт! Һәр кем был доғаны уҡыһа, йә үҙе менән тотһа, ҡылған гонаһтары тауҙар, диңгеҙҙәр тиклем булһа ла, был доға бәрәкәтендә Аллаһы Тәғәлә уның бөтә гонаһтарын ярлыҡар. Әгәр ул доғаны Рамаҙан айының ун бишенсе көнөндә ауыҙ асҡанда уҡыһа, бик күп сауап булыр, нимә теләһә, шул үтәлер, Ҡиәмәт көндө лә сират күперен бик анһат ҡына кисеп, ожмах ишеген дә үҙ ҡулдары менән асыр. Был ваҡытта уның йөҙө айҙың ун дүртенсе көнө кеүек булыр. Мәхшәр көнөндә халыҡтар һорар: «Был кем? Ҡайһы пәйғәмбәр?-тиерҙәр. Шул ваҡыт хитаб менән (тауыш биреп кенә) әйтер Аллаһы Тәғәлә: «Юҡ, пәйғәмбәр түгел, был бәндә «Исме Әғзам» доғаһын уҡый йә үҙе менән йөрөтә ине», — тиер.
   -Ҡәрҙәшем, Ябраил! Һин был доғаның яҡшылығын шул тиклем дә маҡтап һөйләнең, мин ғәжәпкә ҡалдым. Бөтә гонаһтарҙың ярлыҡаныуына сәбәп булған был доға ниндәй һәм ҡайҙа? -тине.
   - Ул «Исме Әғзам» доғаһы. Уны «Хәшер» сүрәһенең һуңғы аяттарында табырһың, — тине Ябраил ғәләйһис-сәләм.

тулыһынса ошонда уҡығыҙ...

Мәүлидун-Нәбинән һуң доға

0

                                            Мәүлидун-Нәбинән һуң доға

                        Мәүлидун-Нәби" ҡасидәһен уҡығандан һуң ҡылынған доға.
     Бисмилләәһир- рахмәәнир-рахиим. Ошо мәжлестә уҡылған Ҡөрьән-Кәрим һәм салауат- шәрифтәрҙең ҫауабын Мөхәммәд ғәләйһиссәләмдең барса өммәтенә насип ит. Бигерәк тә бәйғәмбәребеҙҙең тыуған ваҡытын бәйән иткән ҡасидәһен уҡыусыларға, алыҫтан һәм яҡындан тыңларға килеүсе дин ҡәрҙәштәребеҙгә шәфәғәтен насип ит. Барса дин ҡәрҙәштәребеҙҙе һәр урында, һәр ваҡытта Рәсүлуллаһ, уға Алла һ рәхмәте һәм сәләме булһын, сөннәттәрен татыуҙы һәм уның юлынан эйәреүҙе урынлы ит.
     Һәм уның Мәүлид-Шәрифен уҡыған ваҡытта ҡәлбтәребеҙгә рәхәт, күҙҙәребеҙгә йәштәр килтереп, Аллаһ Тәғәләнән Пәйғәмбәребеҙ Мөхәммәд Мостафа, уға Аллаһ рәхмәте һәм сәләме булһын, хәҙрәттәренең шәфәғәтен насип ит, тип һораған ваҡытыбыҙҙа, Йә, Раббы! Фазылың менән ҡабул ит! Пәйғәмбәребеҙ ғәләйһиссәләмдең шәрифтәрен шатландыр. Шулай уҡ Алланың рәхмәте һәм сәләме Бәйғәмбәр һәм хикмәттәр биргән әҙәм затына, Мөхәммәдтең, уға Аллаһ рәхмәте Һәм сәләме булһын, өммәте һәм сәхәбәләренә насип итһен! Уның ғаиләһе һәм сәхәбәләре, Бәйғәмбәргә ынтылыштарында Аллаһ хаҡы өсөн эйәреүселәрҙән булдылар. Мөхтәрәм Мөхәммәд, уға Аллаһ рәхмәте һәм сәләме булһын, бәйғәмбәребеҙгә сикһеҙ салауаттар булһа ине. тулыһынса ошонда уҡығыҙ...

Ҡаза намаҙҙары

0

                                             Ҡаза намаҙҙары

   Ҡаза намаҙҙар тураһындағы мәҡәләләр төрлө китаптарҙан тулы булһын өсөн алынды.
   "Ислам нигеҙҙәре" Имам Әғзәм Әбү Хәнифә мәҙһәбе буйынса

     Һәр аҡыллы мосолман ир-егет һәм ҡатын-ҡыз бәлиғ булғандан һуң бөтөн дини вазифалар менән бергә биш ваҡыт намаҙҙы үтәргә тейеш. Шунлыҡтан, намаҙҙы уҡымай ҡалдырыу ҡәтғи тыйыла. Ҡөрьән Кәримдә Аллаһы Тәгәлә илле биш урында һәр мосолманга намаҙ уҡыуҙы әмер иткән, утыҙ өс урында намаҙҙың зәкәт менән бергә фарыз икәнлеген әйткән.
     Ҡөрьән Кәримдә намаҙ тураһында барлығы йөҙҙән артыҡ урында иҫкә алына. Намаҙ хаҡындағы әмерҙең шул ҡәҙәр ҡат-ҡат әйтелеүе, бер яҡтан, намаҙҙың өҫтөнлөклө булыуына һәм сауабына ишаралаһа, икенсе яҡтан, намаҙҙан баш тарткан өсөн яуап биреүҙең бик ауыр булғанлығына дәлил булып тора.
     Пәйғамбәребеҙ бер хәҙис-шәрифендә: «Аллаһы Тәғаләнең Ҡиәмәт көнөндә ҡолдарын яуапҡа тарттырғанда иң беренсе һорауы намаҙ тураһында буласаҡ», — тип намаҙ хисабын теүәл биреүселәрҙең бүтән яуаптары ла еңел биреләсәген, был хисапты теүәл бирә алмағандарҙың башка мәсьәләләрҙә лә ҡыйынлыҡта ҡаласағын аңлатҡан.
тулыһынса ошонда уҡығыҙ...

Бәрәкәт теләү доғаһы

0

                                                           Бәрәкәт теләү доғаһы

                               Кемгәлер Аллаһ Тәғәләнең бәрәкәтең теләп доға ҡылыу

                                                   بَارَكَ اللَّهُ لَكَ فِى اَهْلِكَ وَ مَالِكَ

                                      Бәәракәл-лааһү ләкә фии әһликә үә мәәлик.

           Мәғәнәһе: Аллаһы Тәғәлә һинең ғаиләңә, бала-сағаңа һәм малыңа бәрәкәт бирһен.

Берәй эш килеп сыҡмаһа — доға

0

                    Берәй нимә оҡшамағанда йәки эшләй алмағанда уҡыла торған доғалар

   Бер-бер хәл булһа, Аллаһҡа һуҡранырға ярамай. «Әгәр шулай эшләмәһәм, шулай булмаҫ ине», — тиергә ярамай. Сөнки был Аллаһ Тәғәлә ҡушҡан тәҡдирҙә булған.

                               "Ҡаддәраллааһү үә мәә шәә'ә фәғәлә".
 

   (Аллаһ Тәғәлә тәҡдир итте һәм теләгәнен эшләне.)

Берәүгә бәхетһеҙлек, йәиһә бәлә килгәндә уҡыла торған доға

0

Берәүгә бәхетһеҙлек, йәиһә бәлә килгәндә уҡыла торған доға

Бисмилләһир-рахмәнир-рахим.
Иннә лил-ләһи үә иннә иләйһи ражиғүн. Аллаһүммә ғиндәкә әхтәсибү мүсибәти. Фәъжүрни фиһә үә әбдилни биһә хайрам минһә.

Мәғәнәһе: “Беҙ бөтәбеҙ ҙә Аллаһ бәндәләребеҙ һәм Уға әйләнеп тә ҡайтасаҡбыҙ. Был бәхетһеҙлектәрҙә кисереүҙә аҡыл менән тапҡан хаҡ юлым өсөн дә һинең алдыңда иҫәп-хисап бирәсәкмен. Түҙемлектәрем өсөн әжереңде бир, был бәләләрҙе яҙмыштың яҡшыраҡтарына алмаштыр”.

Яҡшылыҡҡа яуап доғаһы

0

                       Берәй кеше үҙеңә (һиңә) яҡшылыҡ эшләһә, ошо доғаны уҡырға кәрәк:

                                                   «Джәзәәкәллааһү хайран»

                              — «Һиңә Аллаһ Тәғәлә үҙенең рәхмәтен насыйп итһен!»

Хәйерле баланың доғаһы

0

                                         Яҡшы тәрбиә алған хәйерле баланың доғаһы:

   Ислам тәрбиәһендә етешкән кеше, ата-әсәһе ҡартайғас, уларға насар ҡарамаҫ, күңелдәрен ҡырмаҫ. Улар хаҡында шулай доға ҡылыр:

                         "Раббирхәмһүмә кәмәә Раббәйәәни сағыыра".

   (Раббым! Ата-әсәмә, улар миңа мәрхәмәт ҡылған кеүек, һин дә уларға шулай мәрхәмәт ҡыл).
   Был аят йәмғиәттәге аяныс хәлдәрҙе иҫкәртә. Бөгөн ҡайһы берәүҙәр, ата-әсәләре ҡартайғас, уларҙы ташлайҙар.

Донъя һәм әхирәт өсөн доғалар

0

                                             Донъя һәм әхирәт өсөн доғалар

   Аллаһүммә әғинни ғәлә ҙикрикә үә шүкрикә үә хүсни ғибәдәтик.

   Мәғәнәһе:
Эй, Раббым! Һине зекер һәм һинең менән шөкөр итеүҙә, Һиңә күркәм ғибәҙәттә булырға ярҙам ит.

   Аллаһүммә инни әғүҙү бикә мин ғилмин лә йәнфәғү үә ҡалбин лә йәхшәғү үә дүғә'ин лә йүсмәғү үә нәфсин лә тәшбәғү.

   Мәғәнәһе:
Эй, Раббым файҙаһыҙ ғилемдән, ҡурҡмай торған күңелдән (Аллаһынан ҡурҡмай торған күңелдән), Аллаһыға ишетелмәгән (ҡабул ителмәгән) доғанан, туймай торған нәфсенән Үҙең һаҡла.

Вверх
.