Ифтар

0

                                                    Ифтар

     Ошо көндәрҙә Әбйәлил районының Тупаҡ ауылы мәсетендә ифтар мәжлесе үтте. Тупаҡ ауылы халҡы ихлас күңелдән ошо мәжлесте ойоштороп, мосолман ҡәрҙәштәренә ауыҙ астырҙы. Әлеге ошо биттә шул ифтар тураһында яҙып үтәйем. Ошо Рамаҙан айында Аллаһ Тәғәләнең бер киң рәхмәте бар. Әгәр берәй кем ураҙа тотҡан кешеләрҙе саҡырып, ауыҙ астырһа, ифтар мәжлесе ойоштороп ебәрһә, ошо ураҙа тотҡан кешеләрҙен сауабы шул кешегә лә яҙылыр тип әйтелә.

     Бәйғәмбәр Мөхәмәд ғәләйһиссәләм йәшәгән заманда сәхәбәләренә ( шул ваҡытта йәшәгән һәм Мөхәмәд ғәләйһиссәләмде күргән, тыңлаған, аралашҡан кешеләр) Рамаҙан айында ураҙа тотоусы кешеләрҙе йыйып ауыҙ астырырға ҡуша. Уның әйтеүе буйынса: "Ауыҙ астырған кеше муйынын йәһәнәм ғазабынан ҡотҡарыр. Аллаһ Тәғәлә уның белеп һәм белмәй ҡылған гонаһларын ярлыҡар. Ураҙа тотҡан берәй кешегә ауыҙ асырға бер хөрмә, йә баллы һыу биргән, уны ризыҡландырған кешегә Аллаһ Тәғәлә ураҙа тотоу сауабтарын бирер, һыуһағанға һыу эсереүсене ғәрәсәт майҙанына саҡырмаҫ” – тигән. тулыһынса ошонда уҡығыҙ...

Мөнәжәттәр

1

     Мөнәжәттәр. Халыҡ ижадынан

     

       Рамаҙан айҙары йәмле

 

   Бисмилләһир-рахмәнир-рахим.

   Был көн мөьэминдәргә шатлыҡ,

   Уларҙың йөҙөндә аҡлыҡ;

   Рамаҙан айы килгәндә —

   Торалыр нурҙары балҡып.

                          Был көн һөйөндөрә Аллаһ.

                          Ике шатлыҡ ҡылып вәғәҙә:

                          Береһе — ауыҙ асып, икенсеһе

                          Хоҙурына юлыҡҡанда. тулыһынса ошонда уҡығыҙ...

Тәрәуих намаҙы

1

                                                Тәрәуих намаҙы

     Рамаҙан айының һәр көнөндә йәсих намаҙынан һуң витр намаҙынан алда тәрәүих намаҙы уҡылырға тейеш.Тәрәүих намаҙы барлығы 20 рәҡәғәттән тора. Ул икешәр рәҡәғәт итеп унға бүлеп, йәки дүртәр рәҡәғәт итеп бишкә бүлеп уҡыла. Тәрәүих намаҙын яңғыҙ ҙа уҡырға була, ләкин йәмәғәт менән мәсеттә уҡыу сөннәт. Тәрәүих намаҙы йәмәғәт менән уҡылған ерҙә витр намаҙы ла йәмәғәт менән уҡыла. Имам барлыҡ ҡыйрәттәрҙе лә ҡысҡырып уҡыр. Тәрәүих намаҙының дүрт рәҡәғәтен уҡыған һайын, шул рәҡәғәттәрҙе уҡыған ваҡыт самаһы ял итеп тороу сөннәт. Ҡатын-ҡыҙҙарҙың мәсеткә тәрәуихҡә бармауы хәйерле.

     Йәстү намаҙынан һуң: йәстүнең фарызын һәм сөннәтен уҡығас, ниәтләйбеҙ; 20 рәҡәғәт тәрәүих намаҙының 4 рәҡәғәтен Аллаһ Тәғәлә ризалығы өсөн үтәргә йүнәлдем ҡибла тарафына (имам менән уҡығанда, ойоном ошо имамға, — тип әйтелә), Халисан лилләһи тәғәлә, «Аллаһу Әкбәр» — тип, ҡалғанын башҡа 4 рәҡәғәт намаҙҙарҙағы уҡыған кеүек дауам итәбеҙ. Бында «Фатиха» сүрәһенән һуң теләгән сүрә һәм аяттарҙы уҡый алаһығыҙ йәки аҫтағы аяттарҙы уҡығыҙ. тулыһынса ошонда уҡығыҙ...

Тәрәуих намаҙын уҡыуҙың хасийәттәре

0

                      ТӘРӘҮИХ НАМАҘЫН УҠЫУҘЫҢ ХАСИЙӘТТӘРЕ

   Хәҙрәти Ғәли раҙиаллааһынан риүәйәттер: - Рамаҙан айында уҡылған тәрәүих намаҙының фазиләттәре:

БЕРЕНСЕ КИСТӘ бер мөъмин тәрәүих намаҙын уҡыһа — ярлыҡаныр уның барлыҡ гонаһтары. Аллаһы Сүбехәнә үә Тәғәлә һинең ғәмәлдәреңде ҡабул итеп, өмөт иткән дәүләткә ирештерер һәм гонаһтарыңды ярлыҡар.

ИКЕНСЕ КИСТӘ УҠЫҺА — Хаҡ тәғәлә хәҙрәттәре әсәһенең һәм атаһының гонаһтарын ярлыҡар.

ӨСӨНСӨ КИСТӘ УҠЫҺА — фәрештәләр әйтерҙәр: «Йә мөъмин! Аллаһ Тәғәлә һинең ғибәҙәтеңде ҡабул итеп, гонаһтарыңды ғәфү- мәғфирәт итте», -тип. тулыһынса ошонда уҡығыҙ...

Ҡатын-ҡыҙҙарҙын намаҙы һәм ураҙаһы

1

                          Ҡатын-ҡыҙҙарҙын намаҙы һәм ураҙаһы
   

   Ҡатын-ҡыҙҙарҙын намаҙы һәм ураҙа тотоуҙары ирҙәрҙен ғибәҙҙәтенән бер аҙ айырыла.Ҡатын-ҡыҙҙар намаҙҙы һәм ураҙаны нисек үтәргә икәнлеген әллә ни аңлап етмәй. Ҡайһы берҙәре намаҙҙы ҡартайғас (климакс) башланғас уҡыр кәрәк тип яңылыша һәм башҡа төрлө уйҙырма фекерҙәргә килә. Бәлиғ булған кешеләргә намаҙ һәм ураҙа тотоу фарыз (үтәлергә тейеш). Шәриғәт буйынса ир кешеләрҙен ун ике йәштәрендә ир-егетлек ғәләмәттәре беленһә, бәлиғ булалар, ҡыҙҙар әгәр ҡатын-ҡыҙлыҡ ғәләмәттәре беленһә, туғыҙ йәштәрендә бәлиғ булалар. Әммә ирлек, ҡыҙлыҡ ғәләмәттәре беленмәһә, ир балаларҙа, ҡыҙ балаларҙа ун биш йәшкә етмәйенсә бәлиғ тип иҫәпләнмәйҙәр. Ҡатын-ҡыҙҙарҙын физиологик үҙенсәлектәренә ҡарап Ислам дине был хаҡта ни әйтә, шул турала бер аҙ хәбәрҙән булығыҙ. тулыһынса ошонда уҡығыҙ...

Ураҙаға ниәт һәм уның боҙолоу сәбәптәре

2

                                     Ураҙаға ниәт һәм уның боҙолоу сәбәптәре
   

     Аллаһ Тәғәлә насыйп иткәс бына Рамаҙан айы етеп Ураҙа тотоу ваҡыты етте. Кемдәр иғтибар иткән үткән йылдарға — Рамаҙан айы ошо йәйге эҫе осорҙа гел һалҡын килә, Аллаһ Тәғәлә ураҙа тотоусыларға үҙенең рәхимлеген күрһәтә. Был ураҙа тотмаусыларға ишара, һиҙһендәр, аңлаһындар — тип. Аҙаҡ Аллаһ әйтер – бәндәм һин ураҙала булһын өсөн көндәрҙе һалҡын тотом, ни эшләп үтәмәнең, язаһын ал тиер. Ошо мәл, ошо йәйге ураҙа осоро, утыҙ йылдар тирәһе генә үткәс әйләнеп килә. Шуға көс-ҡеүәт бар саҡта, иң оҙон йәй көнө ваҡытында ураҙа тотоу үҙе бер бәхет. Ҙур һынауҙы үтеп, нәфсене тыйып Аллаһ Тәғәләғә һыйыныу. Кеше үҙенең нәфсеһен тыйып тороп тәрбиәләнһә ике донъя һөйөнөсөн алыр. Әгәр шул нәфсене тыймаһа, күп насарлыҡтарға тарыр. Шул нәфсе ришүәт алдыра, урлаштыра, кеше малын талауға этәрә. Күп йүнһеҙлектәрҙең башы — нәфсенән тыйыла алмай йәшәүҙә.

     Бәйғәмбәребеҙ ғәләйһис-сәләм бер хәҙисендә әйткән: «Кешенең тәбиғәте шулай — әгәр бер соҡор алтын бирһәң туймаҫ, тағы ла бер соҡор теләр. Уның ауыҙың бары тик (ҡәбер, тупрағы ғына туйҙырыр). Һәр кешенең нәфсеһе туймаҫ, бер ҡасанда етте — тип әйтмәҫ...» тулыһынса ошонда уҡығыҙ...

Ураҙа

3

                                                          Ураҙа
   

     Ураҙа һүҙе — ғәрәбсәнән тыйылыу тигәнде аңлата, үҙ нәфсебеҙҙән Рамаҙан айында тыйылып тороуыбыҙҙы аңлата. Рамаҙан айы — рәхмәт, мәғфирәт, сабырлыҡ айы, ризыҡтың ҡәҙерен, меҫкен-йәтимдәрҙең хәлен белә торған ай. Сабыр итә торған, изгелектәрҙе күп ҡыла торған ай.

     Аллаһ Тәғәлә әйтә: «Әй, иман килтергән бәндәләрем, сәләмәт, ғәйрәтле, көслө, ҡеуәтле, аҡыллы хәлегеҙҙә Рамаҙан айына ирешһәгеҙ, ураҙа тотоғыҙ». Ошо айҙа Аллаһ Тәғәлә беҙҙең имандарыбыҙҙын ныҡлығын, күңел ихластарыбыҙҙы һәм Уға булған мөхәббәтебеҙҙе ризыҡ һәм башҡа нәмәләрҙән тыйылыу менән һынай. Ҡайһы бер бәндәләр хәрәмдән тыйыла алмаған ваҡытта, беҙ хәләл булғандан тыйылып, бер Аллаһ Тәғәләнең ризалығына өмөт итеп, ураҙа тотабыҙ, ашау-эсеүҙән ваз кисәбеҙ. Аллаһ Тәғәләнең тоғро бәндәләре икәндәребеҙҙе күрһәтәбеҙ. Элек әбей-бабайҙарыбыҙ йәйҙен иң эҫе, оҙон көндәрендә лә ураҙаларын ҡалдырмағандар. Астан үләбеҙ тип, ҡурҡмағандар, тәртипле, тәүфыҡлы, динле булғандар һәм бына ошо Ислам динен беҙгә килтереп еткергәндәр. тулыһынса ошонда уҡығыҙ...

28 май — пограничниктәр көнө

0

                 Әссәләмүғәләйкүм үә рәхмәтуллаһи үә бәрәкәтүһү
   Ҡәҙерле мосолман ҡәрҙәштәр, 28 май көнө илебеҙҙең сик буйы һаҡсылары – пограничниктәр байрамы көнө. Ошо патриотик байрам айҡанлы үҙем менән бергә 1983—1986 йылдарҙа хеҙмәт иткән моряк-пограничник иптәштәремә сәләмдәр булһын. Беҙ илебеҙҙең тоғро сик һаҡсылары булып, Алыҫ Көнсығышта, СССР-Ҡытай границаһында хеҙмәт иттек.

   Аллаһ Тәғәлә әйтә: Ниндәй генә строй һәм кем генә ил башында булмаһын, һеҙҙең бурысығыҙ илегеҙҙе дошмандан һаҡлау. Үҙ илебеҙ, үҙ еребеҙ өсөн ғүмерҙәребеҙҙе бирергә тейешбеҙ, сөнки бында атай-әсәйҙәребеҙҙең, ҡатындарыбыҙҙың, балаларыбыҙҙың, туғандарыбыҙҙың, күршеләребеҙҙең, ватандаштарыбыҙҙың һөйгән төйәге. Нисек итеп ошо матур донъяларыбыҙҙы дошмандан тапатайыҡ? Күпме баш һалған илебеҙ өсөн башҡорт батырҙары. Әле лә балаларыбыҙҙы ошо патриотик тәрбиәлә үҫтерәйек. Армиянан ҡасыртып бахыр итмәйек, ир – егетен намыҫы иленә тоғро булыу. Беҙҙен заманда армияға бармаған егеттәргә ҡыҙҙар ҡарамай торғайны, үҙ илен һаҡламаған кеше – үҙ ҡатынын, балаларын яҡлай аламы? Ер-һыу күрмәгән ир донъя күтәрә аламы? Шуға ла донъябыҙҙы һөйөп, яратып, илебеҙҙен яуғирҙәре булайыҡ. Илебеҙгә тоғро булған, армия һәм дингеҙ сафтарында хеҙмәт иткән бар яҡташтарыбыҙға Аллаһ Тәғәләнең бәрәкәте һәм сәләме булһын.

   Шулай уҡ Аллаһ Тәғәлә ер һәм дингеҙ сик буйы һаҡсыларына, запаста булған ир-егеттәргә көс-ҡеүәт, бәрәкәт, иман һәм ике донъя рәхмәтен бирһен. Һәм һәр кемгә тыныс донъя, матур тормош, бәхет-муллыҡ, шатлыҡ насыйп итһен.

         Түбәндә хеҙмәттәштәрем.

гармунсы дуҫ, нәфис фильм

0

Гармунсы дуҫ

Бәраәт кисе

1

                                               Бәраәт кисе

   Ошо Шағбан айынын ун бишенсе кисендә (Бәраәт кисе) Джәбрәил ғәләйһис-сәләм фәрештә Бәйғәмбәр ғәләйһис-сәләмгә килде лә әйтте: “Йә, Мөхәммәд (ғәләйһис-сәләм)! Ғафил булма, был кистә рәхмәт ишектәре асыла торған кистер. Ҡулдарынды күтәреп, доға ҡылып, изгелектәр теләгеҙ”, — тип әйтте.

   Бәйғәмбәребеҙ ғәләйһис-сәләм: “Әй, Джәбрәил, Был ниндәй фазыйләтле кисәлер?” – тигән.

   Джәбрәил ғәләйһис-сәләм фәрештә: “Әй, Мөхәммәд (ғәләйһис-сәләм). Был кистә өс йөҙ рәхмәт ишеге асылыр. Аллаһ Тәғәлә һәр мосолман бәндәне, мәгәр ун төрлө төркөмдән башҡа, әгәр тәүбә ҡылмаһалар ярлыҡамаҫ: сихерсыны, күрәҙәлек ҡылыусыны, бер мосолман менән үпкәләшеп, һөйләшмәй йөрөгәнде, йәғни үпкә-асыу тотоусыны, иҫерткес эсеүҙе дауам итеүселәрҙе, зинаһы ҡылыусыны, әҙәмдәргә процент өсөн аҡса биреүсене, ата-әсәһен рәнйетеүсене, кеше үлтереүсене, үҙенең ҡәрҙәше менән талашҡан кешене. Әгәр, ошо кешеләр ысын күңелдән тәүбә ҡылып, был эштәренән ваз кисһәләр, уларҙы ярлыҡар”. тулыһынса ошонда уҡығыҙ...

Вверх
.