Һәфтиәк шәриф
Бисмилләәһир-рахмәәнир-рахиим.
Мөхтәрәм мосолмандар, һеҙгә Ҡөрьән-кәримдәге иң мәшһүр үә фазыйләтле булған сүрәләр үә аяттарҙы тәҡдим итәбеҙ. Транскрипция төҙөгәндә хаталар китһә Алаһтан ғәфү үтенәбеҙ, үә һеҙҙең аңлауығыҙға өмөт бағлайбыҙ. Ҡәлҡәлә ҡағиҙәһен транскрипцияла биреп булмай. Ҡаф ق , та ط , бә ب , жим ج, дәл د хәрефтәре һикертелеп әйтелә (мәҫәлән: әхәде). Революцияға тиклем башҡорт телендә ҡулланылған, ج (жим) хәрефен җ (дж) тип килтерҙек. Транскрипция менән яҙылған һүҙҙәрҙе уҡыуы еңел булһын өсөн айырманыҡ. Ниндәй генә транскрипция булһа ла Ҡорьәнде ғәрәп теленән уҡыуҙы алыштырмай, шуның өсөн ғәрәпсә уҡырға йөрәнергә мотлаҡ. Киләсәктә тәжвид ҡағиҙәләрен өйрәнеп Ҡөрьәнде ғәрәп теленән уҡырға насиб булһын. Был китапты әҙерләүселәргә, тикшереүселәренә, компьютерҙа һалыусыларына, станокта баҫыусыларына һәм үҙ малын сарыф итеп сығарыусыларына үҙ хәйер-доғаларығыҙҙы ҡылырға онотмайыҡ йәмәғәт! Һеҙҙең доғаларығыҙҙы өмөт итәбеҙ.
