Доғалар һәм намаҙ

Саләти-өммиә (салауат)

0

                                              Саләти-өммиә (салауат)

   Аллааһүммә салли ғәлә сәййидинә Мүхәммәдиин-нәбийил-үммийи үә ғәлә әәлиһии үә сахбиһии үә сәллим.

   Мәғәнәһе: Йә, Аллам! Әфәндебеҙ, өммәттең нәбиһе Мөхәммәд ғәләйһис-сәләмгә үә әһленә, сәхәбәләренә рәхмәтеңде ҡыл.
   Ошо салауатты уҡыған мосолмандар донъяла үә әхирәттә бәхетле булырҙар

Саләти-нәриә (салауат)

0

                                                          Саләти-нәриә

   Аллааһүммә салли саләәтән кәәмиләтән үә сәллим сәләәмән тәәммән, ғәләә сәййидинәә Мүхәммәдинил-ләҙии тәнхаллү биһил-ғукадү үә тәнфәриджү биһил күрабү үә түҡҙаа биһил-хаүәәиджү үә түнәәлү биһир-рағааибү үә хүснүл-хаүәәтими үә хүснүл-хаүәәтим, үә йүстәсҡал-ғәмәәмү биүәджһиһил-кәриим үә ғәләә әәлиһии үә сахбиһии фии күлли ләмхатин үә нәфәсин биғәдәди күлли мәғлүүмилләк.

   Мәғәнәһе: «Эй, Аллаһым! Уның үҙе хөрмәтенә сихырланған төйөндәр сиселгән, ҡайғы-хәсрәттәр киткән, ихтыяжһыҙ үә теләктәргә матурлыҡ үә гүзәлектәргә киң юлдар асылған, икһеҙ-сикһеҙ йомартлыҡ эйәһе, абруйы хөрмәтенә болоттар илаған Пәйғәмбәребеҙ Мөхәммәт Мостафа саллал-лаһу ғәләйһи үә сәләмгә, уның затына һәм сәхәбәләренә донъялағы һәр ҡарашта һәм һәр һулышта камил мәрхәмәт һәм тулы сәләмәтлек бүләк итсе!».

   Пәйғәмбәребеҙ Мөхәммәт Мостафа саллал-лаһу ғәләйһи үә сәлләмгә бағышлап һәр көн салауат әйтергә кәрәк. Бигерәк тә «Саләти-мүнджиә», «Саләти-фәтхиә» һәм «Саләти-нәриә»не күп тапҡыр уҡыу бик сауаплы.
   Һәр ҡайһы ҡыйынлыҡ һәм ауырлыҡ ваҡытында, шуларҙы хәтем итеп, доға ҡылынһа, теләктәр Аллаһы Тәғәләгә ирешер һәм ҡабул булыр, инш Аллаһ!

   Был салауат шәрифтең ике мәшһүр исеме бар – салауат-нәрийә һәм салауат – тәфрижийә. Мәғриб ғалимдәре был салауатҡа “нәрийә” исемен биргәндәр, улар һәр булған бер ҡыйынлыҡ, бәлә-ҡаза менән осрашҡанда “салауат-нәрийә”- не күп уҡырға ҡушалар. Ҡайһы бер ғалимдәр ошо салауатҡа “тәфрижийә” исемен биргәндәр. Тәфрижийә – ҡайғы үә күңелһеҙлектән ҡотҡарыусылыр. Һәр хәлдә был салауат кешенең йөрәген тынысһыҙлыҡтан, күңелһеҙлектән паҡлай. Ошо салауат пәйғәмбәребеҙгә яҡынлашыу өсөн иң тәҫирле, иң көслөһө булып һанала.

Саләти-фәтхиә (салауат)

0

                                                   Саләти-фәтхиә

   Аллааһүммә салли үә сәллим үә бәәрик ғәләә сәйидинәә Мүхәмәдинил-фәәтихи лимәә үғлиҡа үәл-хаатими лимәә сәбәҡ. Нәәсирил-хаҡҡи бил-хаҡҡы үәл-һәәдии иләә сыраатикәл-мүстәкым үә ғәләә әәлиһии хаҡҡа ҡадриһии үә миҡдәәриһил-ғаҙыым.

   Мәғәнәһе: “Эй, Раббым! Изгелек ишектәрен асыу өсөн килеп-киткән пәйғәмбәрҙәрҙең иң һуңғыһы, тоғролоҡта һәм ғәҙелектә Аллаһ Тәғәләнең ярҙамсыһы булған һәм тоғролоҡ юлына өндәгән Мөхәммәт, ғәләйһис-сәләмдең, үҙенә һәм ғәиләһенә, уның юғары дәрәжәһе һәм мәртәбәһе хөрмәтенә беҙгә мәрхәмәт ит, сәләмәтлек һәм бәрәкәт бүләк итсе!”.

Саләти-мүнджиә (салауат)

0

                                                     Саләти-мүнджиә

    «Аллааһүмә салли ғәләә сәйидинәә Мүхәммәдин үә ғәләә әәли сәйидинәә Мүхәммәд саләәтән түнджиинәә биһәә мин джәмиғил-әһүәәли үәл-әәфәәт. Үә тәҡды ләнәә биһәә джәмииғәл-хааджәәт. Үә түтаһһирүнәә биһәә мин джәмиғыс-сәйиәәт үә тәрфәғүнәә биһәә ғындәкә әғләд-дәраджәәт. Үә түбәллиғүнәә биһәә әксал-ғаайәәт. Мин джәмиғыл-хайрати фил-хайәти үә бәғдәл-мәмәәт. Иннәкә ғаләә күлли шәй иң ҡадиир».

     Мәғәнәһе: «Эй, Раббым! Пәйғәмбәребеҙ Мөхәммәт, ғәләйһис-сәләмгә, һәм уның нәҫеленә шундай мәрхәмәттәр буләк ит, шуның менән беҙҙе барса ҡурҡыу, дәһшәт һәм афәттәрҙән ҡотҡарсы! Барса ихтыяждарыбыҙҙы ҡәнәғәтләндерсе! Барса гонаһтарҙан арындырсы! Үҙ яныңдағы иң юғары дәрәжәгә күтәрсе! Йәшеүебеҙҙә лә, үлемебеҙҙә лә бөтөн изгелектәрҙең иң ҙур дәүмәлдәренә ирештерсе! Һинең ысынында һәр нәмәгә көсөң, ҡөҙрәтең етә!».

     Бөтөн ҡурҡыуҙарға, бәлә-ҡазаларға ҡаршы уҡылған иң тәҫирле салауат ошолор. Исеме “Мүнджийә” – ҡотҡарыусы, ҡотҡара торған тимәктер. Был салауат намаҙҙан һуң уҡыла, көндә өс мәртәбә уҡыр кәрәк.

        Саләти-мүнджиә: https://nazir1965.com/din/b%D3%99ra%D3%99t-kise-3.html#more-7581

Саләтүт-тәсбих — Тәсбих намаҙы

1

                                Саләтүт-тәсбих — Тәсбих намаҙы

     Рәсүлүллаһ ғәләйһис-сәләм Ғәббәс ибн Ғәбдулмуталлиб радыяллаһү ғәнһүгә әйтте: “ Эй минең атам менән бер туған ағам! Өйрәтәйемме һиңә бер эште, ҡасан да был эште ҡылһаң һиңә ун изгелек һәм файҙа булыр. Бының өсөн һинең әүәлге һәм ахырғы гонаһтарың, кесе һәм оло ҡылған хатаң, йәшерен һәм асыҡ ҡылған гонаһтарың ярлыҡаныр. Һин дүрт рәкәғәт тәсбих намаҙын уҡы, һәр рәкәғәттә бер «Фәтихә» һәм йәнә бер сүрә йәки бер нисә аят уҡы. Бынан һуң 15 тапҡыр «Сүбхәәнәлааһи үәлхәмдү лиләәһи үә ләә иләәһә иләллааһү үәллааһү әкбәр» тип әйт. Бынан һуң рукуғ ҡыл, рукуғта 10 тапҡыр әйт, башыңды күтәргәс тағын 10 тапҡыр әйт, унан һуң сәждә ҡыл, сәждәлә 10 тапҡыр әйт, башыңды әүәлге сәждәнән күтәргәс, йәнә 10 тапҡыр әйт, яңынан сәждәлә 10 тапҡыр әйт, башыңды сәждәнән күтәргәс, йәнә 10 тапҡыр әйт , икенсе рәкәғәткә тормаҫ уҡы. Тулыһы һәр бер рәкәғәттә 75 тапҡыр булыр.
     Был дүрт рәкәғәткә көсөң етһә һәр көндө уҡы, йә иһә йома көн уҡы, булмаһа аҙнаға, айға бер уҡы. Бер ҙә булдыра алмаһаң ғүмереңдә бер уҡы, сөнки быны уҡыуҙың нәфелдәрҙән файҙаһы күптер. Әмин. тулыһынса ошонда уҡығыҙ...

Тәүәссүл

0

                                                               Тәүәссүл

   Йәә Сәййидәс сәәдәәти үә нүүрал мәджүүдәәт йәә мәң һүүәәл мәлджәә'ү лимәм мәссәһү даймүү үә ғаммүү үә'әләм. Йәә әҡрабәәл үәсәә'или и'ләәллааһи тәғәәләә үә йәә әҡүәәл мүстәнәди әтәүәссәлү иләә джәнәәбикәл әғҙам биһәә үләә иссәәдәәти үә әһлиллааһи үә әһли бәйтикәл кираами лидәфғидүрил ләә йүдфәкү илләә биүәәситатикә үә рафғи даймил ләә йүрфәғү илләә бидәләәтикә би Сәййидии үә Мәүләәййи йәә Сәййидии йаә Расүүлаллааһ йәә Рахмәтәл лил ғәәләмиин.

                                                       Ҡабул итеү доғаһы

   (Әй Остаздарҙың хужаһы һәм Нурҙар булдырыусы! Әй ҡайғыға батҡандарҙы, бәләгә осрағандарҙы, ауырыу менән яфаланғандарҙы ҡотҡарыусы. Әй Аллаһу Тәғәләгә яҡындарҙың да яҡыны. Әй ярҙамыңдың иң көслөһө. Остаҙым һәм хужам, Аллаһ илсеһе һәм Ғаләмдәр бәрәкәте, зыянды төҙәтеү, яфаланыуҙарҙы кәметеү Һинең ҡатнашлығыңдан тыш тормошҡа ашмауын аңлап, остаздар, Аллаһ кешеләре һәм күркәм ғаиләң араһында ҡеүәтле булыуынды ялбарып һорайым). Әл-Фәтихә.

Өйҙән сыҡҡанда уҡыла торған доға:

0

                                            Өйҙән сыҡҡанда уҡыла торған доға:

  Өйөбеҙҙән «бисмилләһир-рахмәнир-рахим», тип әйтеп сығырға, ғаиләбеҙ һәм балаларыбыҙға хәйерле һәм уңышлы көндәр теләргә тейешбеҙ. Йәйәү йәки машинала киткәндә юлға уҡырға мөмкин булған иң яҡшы доға — «Аятүл Күрси». Ул өс, биш, йә ете мәртәбә уҡылыр. Өйҙән уң аяҡ менән сығып китәбеҙ. Юлда төрлө фажиғалар булыуы мөмкин. Шуның өсөн ғөсөлһеҙ йөрөүҙән һаҡланырға, кәрәк. Һәр ваҡыт Аллаһынан ярҙам һорап йөрөргә ғәҙәтләнергә кәрәк.

بِسْمِ اللَّهِ ، تَوَكَّلْتُ عَلى اللَّهِ وَلا حوْلَ وَلا قُوَّةَ إِلاّ بلِللَّه

   «Бисмилләһи, тәүәккәлтү ғәләллааһ, лә хәүлә үә лә ҡуүүәтә илләә билләһ.».
   "Аллаһым! Өйөмдө, йортомдо һәм ғаиләмде һиңә аманат итәм. Уларҙы һәр төрлө һәләкәттәрҙән һәм бәләләрҙән һаҡла", — тип үҙ телендә лә доға ҡылырға мөмкин.

Иртән торғас уҡыла торған доға

0

                                        Иртән торғас уҡыла торған доға.

   Мосолман иртәләрен уянғас, түшәгенән

بـِسمِ اللهِ الرَّحْمَنِ الرَّحِيمِ

   "Бисмилләәһир-рахмәәнир-рахиим" тип торорға тейеш.
Унан һуң ошо доға уҡыла:

الْحَمْدُ لِلّهِ الّذي أَحْيَانَا بَعْدَ ما أَماتَنَا وَاِلَيهِ البَعْثُ وَ النُّشُور

«Әлхәмдү лилләәһилләҙии әхйәәнәә бәғдә мә әмәәтәнәә вә иләйһил-бәғҫү вәннушур»
   (Беҙҙе үлгәндән һуң терелтеүсе Аллаһҡа маҡтау булһын! Үлгәндән һуң терелтеү Аллаһтандыр, ҡайтыу ҙа Уғалыр.)
   Был доғаны белмәгәндәргә: «Һаулыҡ һәм сәләмәтлек эсендә тағын бер көндө башлатҡан Аллаһҡа маҡтау булһын! Беҙгә бөгөн дә хәйерле һәм имен тормоштарын бирһен»- тип тә доға ҡылырға мөмкин.

Тәүбә намаҙы

1

                                                    Тәүбә намаҙы

     Гонаһтарға үкенеп, тәүбә һәм истиғфар ҡылыу өсөн уҡыла торған рәҡәғәтле нәфел намаҙы ул.Тәүбә намаҙын үтәгәс, ошондай истиғфар уҡыла: «Әстәғфирул-лаһ, әстәғфирул-лаһ. Әстәғфирул-лаһа тәғәлә мин күлли ҙәнбин әҙнәбтүһү ғәмдән, әү хатаъән, сирран әү ғәләниййәтән үә әтүбү иләйһи минәҙ-ҙәнбил-ләҙи әғләмү үә минәҙ-ҙәнбил-ләҙи лә әғлмү иннәкә әнтә ғәлләмүл ғүйүб».
    Мәғәнәһе: Аллаһы Тәғәләнән гонаһтарымдың һәр ҡайһыһын ярлыҡауҙы үтенәм. Белеп ҡылған гонаһтарымды ла, белмәй ҡылған гонаһтарымды ла, аңһыҙлыҡтан ҡылған гонаһтарымды ла, аңлы рәүештә ҡылған гонаһтарымды ла ярлыҡауынды үтенәм, Аллаһ. Гонаһтарымдың бөтәһенән дә тәүбәгә киләм, үкенеү менән тәүбә итәм. Әй, Аллаһ, һәр бер ғәйебемде белеүсеһен.

Тәсбих доғаһы

1

                                                     Тәсбих доғаһы

                                          Бисмилләһир-рахмәнир-рахим.
     Сүбхәнә ҙил-мүлни үәл-мәләкүт. Сүбхәнә ҙил-ғиҙзәти үәл-ғәҙамәти үәл-ҡудрати үәл-кибрийәи үәл-жәбәрүт. Сүбхәнәл-мәликил-хәййил-ләҙи лә йәмүт. Сүббүхүн-ҡуддүсүр-раббил-мәлә икәти үәррух. Лә иләһә илләл-лаһү нәстәғфирүл-лаһ. Нәс әлүкәл-жәннәтә үә нәғүҙу бикә минән-нәр.
     Мәғәнәһе: “Ерҙәге һәм күктәге бөтә мәхлуҡатҡа хужа булған Аллаһы Тәғәлә бөтә кәмселектәрҙән пак. Ғиззәт, ҡөҙрәт үә бик ҙур олуғлыҡ эйәһе Аллаһы Тәғәләне сафлыҡ өлгөһө тип таныйым. Бөтә ғаләмдең батшаһы һәр ваҡыт тере Аллаһы Тәғәләне бөтә ғәйептәрҙән пак тип беләм.
     Ул Аллаһы Тәғәлә кәмселектәрҙән бик тә пак һәм мөҡәддәс зат, бөтә фәрештәләрҙең һәм Ябраил фәрештәнең дә Раббыһы. Аллаһы Тәғәләнән башҡа һис бер Тәңре юҡ. Ул Аллаһы Тәғәләнән беҙ гонаһтарыбыҙҙы ярлыҡауын һорайбыҙ Эй, Аллаһ, беҙ һинән йәннәт һорайбыҙ, тамуҡ утынан Һиңә һыйынабыҙ”.

Вверх
.