Сәйфулла хәҙрәт
Әлхәмдүлиләәһи!
Аллаһ Тәғәлә насип иткәс, мөфтөй Тәлғәт-хәҙрәт Тажетдин указы менән яңы йыл башында Әбйәлил районының имам-мөхтәсибен Сәйфулла хәҙрәт Ғәйсинде Әбйәлил, Учалы, Бөрйән, Хәйбулла райондарында йәшәүсе мосолмандарҙың йәмғиәтенә Ислам диненең ахун вазифаһын башҡарыусы итеп тәғәйләнде. Аллаһ Тәғәлә Сәйфулла хәҙрәткә көс-ҡеүәт биреп, Уның ризалығы ярҙамында халҡыбыҙҙы иманға ҡайтарыуҙа, динебеҙҙә тырышлыҡ күрһәтеп, Пәйғәмбәребеҙ Мөхәммәд саллаллааһу ғәләйһи үәс-сәләмдең сөннәһенә һәм Аллаһының Изге китабы Ҡөръән Кәримгә таянып, ата-бабаларыбыҙҙың ғөрөф-ғәҙәттәрен, ғибәҙәттәрен дауам итеп, нурлы тәриҡәт юлында ихласлыҡ, тырышлыҡтар күрһәтергә насип итһен. Әмин!