Уҡы һин намаҙынды

                      Уҡы һин, иртә намаҙыңды,

                      Алырһың сауабыңды.

        Мөнкир — Нәкир килгәндә,

        анһат бирерһең яуабыңды.

                     Уҡы һин, өйлә намаҙыңды,

                     Алырһың һин сауабыңды.

       Тар ләхеттәргә ингәндә,

       күрмәҫһең һин ғазабыңды

                   Уҡы һин икенде, ахшамыңды,

                   Күрмәҫһең һин гүр ғазабы.

       һигеҙ йәннәт насип булыр,

       үтәһәң һин уларҙы. 

                  Уҡы йәсиғ намаҙың, 

                  Күрмәҫһең гүр ғазабын. 

       Йәүмил — мәхшәр (ҡиәмәт) көндәрендә, 

       күрмәҫһең ут ғазабын.

                 Тәһлил менән зиннәтләйек,

                 Шәриф булған ағзаларҙы.

      Ғәрәсәттең юлы йыраҡ,

      Ала күрәйек аҙыҡтарҙы.

 

                                             Бисмилләһи

                        “Бисмилләһи” эштәр башы,

                        “Бисмилләһи” күңел хушы.

                        “Бисмилләһи” иман нуры.

                         Әйтә күргел һин уны.

       Ал ҡомғаныңды, ал тәһәрәт,

       Эштәрең булыр мөбәрәк.

       Тәһәрәт алып, эштәр ҡылһаң,

       Күрерһең һин күп рәхмәт. 

                        Иртән тороп, таңға керһәң,

                        Шайтан үәсүәсә ҡылыр.

                        Шул ваҡытта, доға ҡылһаҡ,

                        Фәрештәләр доға ҡылыр.

       Эй, Хоҙайым һаҡла, 

       Шул шайтандың ширендән. (боҙоҡлоғонан)

       Зекер, тәсбих, тәһлилдәрең,

       Сығармаҫы телемдән.

                       Иман тигән шәриф нәмә,

                       һаҡлауҙары бигерәк ауыр.

                       Ҡәбәхәт телең булһа,

                       Шайтан иманыңды алыр.

       Иманыңды яҡшы һаҡла,

       Нәжес һүҙҙәр менән баҡма.

       Нәжес һүҙҙәр менән бағып,

       Үҙеңде тамуғҡа атма.

                      Ҡарама харам малдарға,

                      Ауыр булыр ҡиәммәттә.

                      Хәләл малың аҙ булһа ла,

                      Шөкөр ҡыл һин шуларға.

       Үҙең сәләмәт саҡта,

       Ҡыла күргел ғәмәлдәреңде.

       Ҡартайғастың ҡыла алмаҫһың,

       Зәғифләнер был тәндәрең.

                     Намаҙҙыр диндең терәге.

                     Намаҙ әхирәт бүләге.

                     Намаҙ уҡыған бәндәләрҙең,

                     Утта янмаҫтыр һөйәге.

                                     

                                      Уҡы Ҡөръән һәм намаҙ
                                  Рәсүлланың өммәте мин тиһәң,

                                  Хоҙай мине һөйһөн тиһәң,

                                  Ожмах эсенә керәм тиһәң,

                                  Уҡы Ҡөръән менән намаҙ.

                 Ҡөръән уҡыған әҙәмдәргә,

                 Бәхеттер ике ғәләмдә.

                 Ғүмерең үтмәһен әрәмгә,

                 Уҡы Ҡөръән менән намаҙ.

                                 Уҡыһаң биш намаҙыңды,

                                 Кис, иртә ҡылһаң фарызыңды.

                                 Хоҙай күп ҡылыр аҙығыңды,

                                 Уҡы Ҡөръән менән намаҙ.

                 Бәрәкәт индерер барса малыңа,

                 Фәрештәләр итәр ярҙам.

                 Йөрөрҙәр һинең алдыңда,

                 Уҡы Ҡөръән менән намаҙ.

                                Әжәл етәр бер ваҡыт,

                                Үлде тейеп илашырҙар.

                                Малың ҡалһа өләшерҙәр,

                                Уҡы Ҡөръән менән намаҙ.

                 һис кем ярҙам ҡыла алмаҫ,

                 Үлмәйсә бер кем дә ҡалмаҫ.

                 Ошо көн килмәй ҡалмаҫ,

                 Уҡы Ҡөръән менән намаҙ.

                                Йәнең биргән ваҡытта,

                                Ингәндә тар ләхеткә,

                                Ярҙамсы булыр һәр ваҡытта,

                                Уҡы Ҡөръән менән намаҙ.

                Фәрештәләр еңел килер,

                Улар иман тәлҡин ҡылыр.

                Камил иман юлдаш булыр,

                Уҡы Ҡөръән менән намаҙ.

                               Фәрешәтәләр инерҙәр күп,

                               Йыназаңды уҡырҙар хуп.

                               Шуға етәр дәүләт юҡ.

                               Уҡы Ҡөръән менән намаҙ.

                Ҡәберҙәрҙә нур булыр

                Мөнкир — Нәкир хөрмәт ҡылыр.

                Яуаптарың еңел булыр.

                Уҡы Ҡөръән менән намаҙ.

                              Насар юлдарға кертмәҫтәр,

                              һине шәрмәндәй (мәсхәрәле) итмәҫтәр,

                              Яңынан фәрештәләр китмәҫтәр,

                              Уҡы Ҡөръән менән намаҙ.

               Атаң — әсәң ҡайҙа китте,

               Әбей — бабайың да шунда китте.

               Улар ҙа һинең кеүек ғүмер итте,

               Уҡы Ҡөръән менән намаҙ.

                              Малың булһа, малың ҡалыр,

                              Балаң булһа, балаң ҡалыр.

                              һине ер аҫтына илтеп һалыр,

                              Уҡы Ҡөръән менән намаҙ.

               Намаҙ уҡығандар, ожмахҡа осар,

               Кәүҫәр шараптарын эсәр,

               Сираттан һәм еңел кисәр,

               Уҡы Ҡөръән менән намаҙ.

                              Пәйғәмбәрҙәр менән бергә,

                              Булырҙар йәүмил мәхшәрҙә.

                              Шәфәғәт ҡылыр һәр хәлдә,

                              Уҡы Ҡөръән менән намаҙ.

Ошо биттәрҙә мөнәжәттәр уҡығыҙ:

https://nazir1965.com/category/m%D3%A9n%D3%99zh%D3%99tt%D3%99r