Таҙа булып ҡалыу

                                                                ТАҘА БУЛЫП ҠАЛЫУ
                                            Шəйех Мəхмəт Əфəнденең 12 ноябрь 2014 сөхбəте.

     Əссəлəмəғəлəйкүм үə рəхмəтуллаһи үə бəрəкəтүһү. Əғүҙү биллəһи минəш шайтанир ражим. Бисмиллəһир-Рəхманир-Рəхим. Əссəлəтү үə с-сəлəмү ғəлə Рəсүлинə Мəхммəдин Саййидил-əүүəлина үəл-лəхирин. Мəдəд йə РəсүлАллаһ, мəдəд йə Садати Асхабы Рəсүлиллаһ, мəдəд йə Шəйех Абдуллаһ Фаизи д-Дағыстани, мəдəд йə Шəйех Мөхəммəт Назим əл-Хаҡҡани, дестур. Тариҡатуна ас-сохбаһ, үə л-хайру фи жам'иййаһ.
     Ислам дине – иң һуңынан килгəн иң күркəм дин. Алланың һөйөклө Пəйғəмбəренə, ғəлəмдəрҙе уның хөрмəтенə яралтты тип, был Ислам динен, Уға бүлəк итə. Ул иң бөйөк, иң яҡшы дин булды. Бөтөн диндəрҙе теүəллəне. Сөнки яйлап, яйлап ти торғас, иң һуңғы был, унан һуң пəйғəмбəр ҙə юҡ, башҡа дин дə юҡ.
    Ислам дине бөтөн нəмəне теүəллəне, башҡа бер ихтыяж да юҡ. Əлбиттə, ҡиəмəт яҡын, тик тағы ла мең йыл булһа ла, миллион йыл булһа ла, башҡа дингə ихтыяж юҡ, сөнки Аллаһ янындағы, Аллаһ дине – мосолманлыҡ дине.

                                                                                             إِنَّ الدِّينَ عِندَ اللَّهِ الْإِسْلَامُ

                                                                                            «Иннәҙ-ҙиинә ғиндәл-лааһил ислам» (3:19).

                                                                                             Мәғнәһе: Хаҡ дин, Аллаһ дине — Исламдыр

 

Яйлап-яйлап кешелəрҙе күнектерə-күнектерə камиллыҡҡа иреште.

     Ислам диненең иң мөһим үҙенсəлеге нимə? Таҙалыҡ. Таҙа булмағандың эшлəгəн эштəре ҡабул булмаҫ. Иң башта ғөсөл, тəһəрəттəн башлана таҙалыҡ. Сөнки улар булмаһа, бер ғибəҙəт тə ҡабул булмаҫ. Намаҙ ҙа ҡабул булмаҫ, хаж да ҡабул булмаҫ, башҡа нəмə лə. Йəғни ул Ат-таһарату мин әл-иман. Тəһəрəт, таҙалыҡ имандан килə. Башҡа бер диндə лə юҡ был. Шуның өсөн

                                                                                                    إِنَّمَا الْمُشْرِكُونَ نَجَسٌ

                                                                                                   "иннәмәл мүшрикүнә нәджәсүн" (9:28).

                                                                    Мәғәнәһе: Мөшриктәр — яманлыҡтың (бысраҡлыҡтын) үҙелер

Мөшриктəр – нəжес, бысраҡлыҡ. Былар – Алланың һөйлəгəндəре. Кешелəрҙе түбəнһетə алмайбыҙ, тик Ислам дине – асыҡ дин. Нəжес булырға телəмəгəн мосолманлыҡҡа килһен. Мосолман булмаһаң,
тимəк һин – нəжес.
     Ул Ҡəғбəгə яҡынлаша алмаҫ, Мəккəгə, Мəҙинəгə яҡынлаша алмаҫ. Был бөйөк шəрəф, хөрмəт, мосолманлыҡтың шəрəфен, дəрəжəһен күрһəтə. Телəгəн тиклем йыуын, телəгəн тиклем нимəлер эшлə, тик мөшрик булғас, һин – нəжес.
     Мосолман бул, асыҡ, бөтə кеше өсөн дə асыҡ. Бер кемгə лə һин булаһың, һин булмайһың, тигəн нəмə юҡ. Лə илəһə иллə Аллаһ, Мөхəммəдүн Рəсүлуллаһ тип əйт, һин дə – мосолман, хəҙер инде һин дə таҙа.
     Тышҡы таҙалыҡ та бар мосолманлыҡта, рух таҙалығы ла. Рух таҙалығы ла, мосолман булғас, таҙара. Мосолман булғас, уның башҡа шарттары ла бар, əлбиттə, таҙалыҡ. Ысынында таҙалыҡтың мəғəнəһе башҡа төрлөрəк, мосолман булмаған да таҙа булырға өйрəнергə тейеш.
     Мосолман булмаған аңламаҫ. Өҫтөн-башын йыуыр, унан һуң иң мөһим таҙартыласаҡ ерҙəрҙе таҙартмаҫ. Бысраҡ, əшəке булыр. Əлбиттə, мосолман булмағас, телəгəнсə таҙарынһын, тик ул мөһим түгел. Мөһим булған таҙалыҡ – мосолман булыу. Мосолманлыҡта бөтөн нəмə лə таҙа. Эсəсəк, ашаясаҡ, кейəсəк бөтөн нəмəң дə таҙа булырға тейеш. Был иң яҡшы нəмə. Таҙалыҡ тиклем яҡшы нəмə юҡ.
     Бысраҡ, əшəке кешене бер кем дə яратмай. Əлбиттə, был башҡа диндəрҙə юҡ. Суҡындыралар ине. Əле яңы ғына йыуынырға өйрəнделəр. Һыу тейһə, гөнаһ була улар буйынса. Йыуыныу – иң ҙур гөнаһ, йəнəһе суҡыныуың бөтə. Бер тапҡыр һыуға батыралар тыуғас, унан һуң һис юҡ. Мəйет йыуыу ҙа юҡ уларҙа. Ул тик мосолманлыҡта бар, башҡа бер диндə лə юҡ. Йəғни таҙалыҡты Аллаһ мосолмандарға бирҙе. Был мосолман диненең үҙенсəлеге. Уға ҡараһалар, етə.
     Таҙа кеше мосолман тип, кешелəрҙе насар итеп күрһəтəлəр, тик донъялағы иң яҡшы, иң матур нəмəлəрҙең бөтəһе лə мосолманлыҡта. Тик аңламайҙар улар. Дөрөҫөрəге аңлайҙар, белəлəр, улар өсөн яраҡлы түгел, шайтан алдай уларҙы. Шуның өсөн Аллаға шөкөр итəйек, Мосолман булғаныбыҙ өсөн. Шөкөр ителəсəк нəмə ошо. Əлхəмдүлиллəһ, мосолманбыҙ. Əлхəмдүлиллəһ, беҙ – ғəрəп, курт, төрөк, черкес, тигəн нəмə юҡ. Мосолман булғаныбыҙ өсөн, Əлхəмдүлиллəһ, тип əйтəсəкһең. Мосолманһың. Башҡалар Мосолман булмаһа, телəгəн тиклем ғəрəп булһын, телəгəн тиклем башҡа миллəт вəкиле булһын, был мөһим түгел.
     Мосолман булһа, немец та беҙҙең ҡəрҙəш, Африка кешеһе лə беҙҙең ҡəрҙəш. Ҡытай кеше лə ҡəрҙəшебеҙ. Əгəр булмаһа инде, телəгəн тиклем башҡа миллəттəн булһын, ул мөһим түгел. Мөһиме – таҙа ҡəрҙəшлек. Таҙа кешелəр менəн бергə булыу.
     Үə мин Аллаһи тауфиҡ, əл-Фатиха.

     Интернет киңлектәренән: http://www.nakshbandi.ru/video_sohbets_data/2014-11-12_tr_Cleanliness_SM/2014-11-12_ba_Cleanliness_SM.pdf